Li gel êrişên Rûsyayê ku Ukrayna di bersivdayînê de tengav dibe, Trump ragihand ku Ukrayna wê pergalên parastinê yên Patriot ên ku pêwîstiya wan pê heye werbigire.
Trump diyar kir ku lêçûnên sîsteman dê ji hêla Yekîtiya Ewropayê ve werin fînansekirin, lê kîjan welat lêçûna Patrîotê bide eşkere nekir.
Serokê Amerîkayê Donald Trump ragihand ku Ukrayna wê pergalên parastinê yên Patriot ên ku pêwîstiya wan pê heye werbigire.
Serokê Amerîkayê Donald Trump li Baregeha Hevbeş a Hêza Hewayî ya Andrews li Marylandê bi rojnamevanan re axivî û got:
“Em ê Patriotan bişînin Ukraynayê, ku ew bi lezgînî hewce ne.
Trump diyar kir ku lêçûnên sîsteman dê ji hêla Yekîtiya Ewropayê ve werin fînansekirin.
Trump, diyar nekir ku kîjan welatên Yekîtiya Ewropayê wê lêçûna Patriotan bidin.
“Lêçûnên pergala patriotê wê ji hêla Yekîtiya Ewropayê ve werin fînansekirin”
Her wiha Trump destnîşan kir ku NATO dê teknolojiya leşkerî ya Amerîkî jî bikire û got:
“Bi bingehîn, em ê alavên leşkerî yên pêşkeftî yên cûrbecûr ji wan re bişînin, û ew ê ji sedî sed pereyan bidin me.”
Tê texmînkirin ku dibe ku Patriotên ku Trump behsa wan kir, ew sîstemên ku di konferansa roja pêncşemê ya li Romayê de ku li ser ji nû ve avakirina Ukraynayê hate nîqaşkirin, hatine behskirin bin.
Serokwezîrê Alman Friedrich Merz li Romayê got Berlîn plan dike ku sîstemên parastina hewayî yên Patriot ên çêkirî yên Amerîkî bikire da ku radestî Ukraynayê bike.
Serokê Ukraynayê Zelenskî paşê ragihand ku Almanya razî bûye ku ji bo du sîstemên Patriot pere bide.
Ukrayna ji bo bersivdayîna êrîşên mezin ên Rûsyayê yên bi dron û mûşekan, ji Rojava bêtir alîkariya parastinê ya hewayî dixwaze.
Trump: Em bi baldarî cezayên zêdetir li dijî Moskowê dinirxînin
Serokê Amerîkayê Trump got piştî ku dest bi kar bike, ew ê şandina çekan bo Ukraynayê rawestîne, lê paşê paşve gav avêt.
Hewldanên Trump ên ji bo navbeynkariya aştiyê di navbera Rûsya û Ukraynayê de jî bi ser neketin.
Her ku Rûsyayê hefteya borî êrîşên xwe yên li ser Ukraynayê zêde kir, Trump nerazîbûna xwe ji redkirina Moskowê ya ji bo agirbestê anî ziman.
Trump, serokê Rûsyayê Vladimir Putin bi “tiştên pûç û vala” tawanbar kir û got ew bi baldarî îhtîmala cezayên zêdetir li dijî Moskowê dinirxîne.
