Lîderên Yekîtiya Ewropî îro li Pekîn a Çînê, ji bo lûtkeyeke rojekî bi rayedarên payebilind re dicivin.
Armanca lûtkeyê çareserkirina ne-hevsengiyên bazirganiyê, hevkariya avhewayê û nakokiyên kurewî ye.
Ev danûstandin ji bo salvegera 50’emîn a têkiliyên dîplomatîk ên di navbera Bruksel û Pekînê de têne lidarxistin
Lîderên Yekîtiya Ewropî îro li Pekîn a Çînê, ji bo lûtkeyeke rojekî bi rayedarên payebilind re dicivin.
Armanca lûtkeyê çareserkirina ne-hevsengiyên bazirganiyê, hevkariya avhewayê û nakokiyên kurewî ye.
Lêbelê, hêviyên ji bo encamên berbiçav pir kêm in.
Seroka Komîsyona Ewropî Ursula von der Leyen û Serokê Konseya Ewropî Antonio Costa dê bi Serokê Çînê Xi Jinping (şî jînpîng) û Serokwezîr Lî Qiang re bicivin.
Ev danûstandin ji bo salvegera 50’emîn a têkiliyên dîplomatîk ên di navbera Bruksel û Pekînê de têne lidarxistin.
Li dijî Ukraynayê piştgiriya çînê bo Rûsyayê wê were nîqaşkirin
Civîna bilind, ku di destpêkê de ji bo du rojan hatibû plankirin, ji ber nezelaliyên aborî, şerên li Rojhilata Navîn û Ukraynayê, û îhtîmala ku Amerîkayê bacên gumrikê ji nû ve binirxîne, bo rojekê hat kurtkirin.
Tê payîn ku rayedarên Yekîtiya Ewropayê piştgiriya Çînê ya ji bo Rûsyayê di dema dagirkirina wê ya berfireh a Ukraynayê de, êrîşên wê yên sîber û çalakiyên sîxuriyê yên berdewam nîqaş bikin.
Her wiha Yekîtiya Ewropayê bi baldarî têkiliyên xwe bi Washingtonê re hevseng dike, ji ber ku îhtîmala şerekî bazirganî yê nû bi Amerîkayê re li ser maseyê dimîne.
Li gorî aborînasê sereke yê Navenda Siyaseta Ewropî Fabian Zuleeg, Ewropa hewl dide ku Trump bi xuyanîkirina pir nêzîkî Çînê bêtir hêrs neke.
Ev yek, di encamê de, civînê hîn zehmettir dike.
Çîn piştî DYE’yê duyemîn hevkarê bazirganî yê herî mezin ê Yekîtiya Ewropayê ye
Her çiqas Pekînê hin gavên erênî ber bi Yekîtiya Ewropayê ve avêtine, xuya ye ku Çîn helwestek her ku diçe tundtir li dijî Yekîtiya Ewropayê digire.
Fabian Zuleeg dibêje:
“Çîn ji şerê bazirganî yê bi Trump re bi baweriyek zêdetir derket.
Ev yek amadebûna wê ya ji bo tawîzan ji Yekîtiya Ewropayê re kêm dike.
Niha ku Trump paşve gav avêtiye, Çîn êdî hewcedariya bandorkirina li ser Ewropayê hîs nake.”
Çîn piştî Amerîkayê duyemîn hevkarê bazirganî yê herî mezin ê Yekîtiya Ewropayê ye.
Bi qasî ji sedî 30 ê bazirganiya cîhanî di navbera her du aboriyan de pêk tê.
Her du alî hêvî dikin ku van têkiliyên aborî bikar bînin da ku aboriya cîhanî aram bikin, lê cûdahiyên bingehîn hîn jî hene.
