Çavkaniyeke leşkerî ser bi artêşa niştimanî ve ragihand ku hin çeteyên girêdayî Wîfaqê hewl dan xwe bigihînin deverne nû, ji ber wê jî wan 2 moşekên hişyarkirinê avêtin pêşiya wan.
Derbarê topbarankirina balafirgeha Mi’êtîqa jî çavkaniyê eşkere kir ku ew ji ber metirsiya bikaranîna balafirgehê ji bo veguhes
Tevî ku di nava mehekê de 3 civînên navdewletî ji bo Lîbyayê hatin lidarxistin, şer di navbera aliyên Lîbî de li 3 Eniyan berdewam dike.
NY jî şandina çekan bo Lîbyayê şermezar kir.
Ji şeva înê ve şer di navbera aliyên Lîbî, Hefter û Serac de, li derdora Terablusa paytext careke din destpê kir.
Şer û pevçûn li eniyên Xelatat, Yermûk û Selahedîn rû dan.
Çavkaniyeke leşkerî ser bi artêşa niştimanî ve ragihand ku hin çeteyên girêdayî Wîfaqê hewl dan xwe bigihînin deverne nû, ji ber wê jî wan 2 moşekên hişyarkirinê avêtin pêşiya wan.
Derbarê topbarankirina balafirgeha Mi’êtîqa jî çavkaniyê eşkere kir ku ew ji ber metirsiya bikaranîna balafirgehê ji bo veguhestina çek û çeteyan bû.
Li aliyê din berdevkê operasyona ”Volkana Hêrsê” ya hikumeta Wîfaqê Mistefa El-Mec’î, hêzên Hefter bi binpêkirina agirbestê tawanbar kir û got: ew rojane balafirgeha Mi’êtîqa topbaran dikin.
Şandeya NY bo Lîbyayê binpêkirina biryara şandina çekan bo Lîbyayê şermezar kir
Ji aliyê xwe ve şandeya NY ya ji bo destekdayîna Lîbyayê, binpêkirina biryara qedexeya şandina çekan bo Lîbyayê, ku li berlînê li ser hatibû lihevkirin, şermezar kir.
Şandeyê bi daxuyaniyekê diyar kir ku veguhestina çeteyan û şandina çekan ji aliyê hin dewletên ku beşdarî civîna Berlînê bibûn, gefan li ser agirbesta dinavbera hikumeta Serac û artêşa niştimanî de çêdike.
Şandeya NY eşkere kir ku di çend rojên borî de bi rêya balafiran gelek çete, çekên pêşketî, panzer û şêwirmendên leşkerî gihiştin Lîbyayê, û got: ev binpêkirinên berdewam, metirsya derketina şerên dijwar li Lîbyayê derdixe holê.
Berya niha şanderê Navnetewî bo Lîbyayê Xesan Selama teqez kiribû ku hejmarek çete ji Sûriyê gihiştin Lîbyayê.
Rojnameya The Guardian a Brîtanî jî ragihand ku hejmara çeteyên ku ji Sûriyê gihîştine Lîbyayê nêzî 2 hezaran e.
Berya hefteyekê li Berlîn Civîneke navdewletî ji bo Lîbyayê hat lidarxistin, tê de beşdaran tekezî li ser rawestndina şer kir û şandina çek û çeteyan bo Lîbyayê qedexe kir.
