17 rojn Siwêda di bin dorpêçeke giran de ye û bê ceyran, av, xwarin û dermanan e.
Karwanê Neteweyên Yekbuyî yê veguhastina karmendan ji Siwêdayê ber bi Şamê ve, li Derayê rastî êrişeke çekdarî hat.
Di encamê de kesek birîndar bû û karwan ji hev belav bû.
Parêzgeha Deraa a ku kehrebeyê dide Siwêda di bin kontrola Hikûmeta veguhêz a Sûriyê de ye.
Ji roja destpêkirina êrîşan ve ceyran li ser Siwêdayê hatiye qutkirin.
Li gel vê yekê xizmetên saziyên li bajêr ên weke nexweşxane, firin û yên din hatine sekinandin.
Ev 17 roj in Siwêdayê bê ceyran e.
Hate ragihandin ku kablo û dîrekên ceyranê yên li herêmên Theelê, Mezree û Elxayê ku di navbera bajarên Dera û Siwêdayê de cih digirin, hatine qetandin û dizîn.
Çavkaniyên li herêmê didin zanîn ku beriya niha jî rewşên heman rengî rû dane, gelê li herêmê bi derfetên xwe çêkirine lê belê vê carê ji ber êrîş û dorpêça li ser bajêr ew nikarin dubare çêkin.
Ji ber vê, gel bi rêya jeneratoran telefonên xwe şarj dikin û hewl didin bi vî awayî pêdiviyên xwe yên ronahiyê bi cih bînin.
Ji ber ku pompeyên avê jî naxebitin di pêşwazîkirina ava vexwarinê de jî pirsgirêkên cîdî hene.
Çekdarên hikumeta veguhêz a Sûriyê li derdora bajarê Siwêdayê nuqteyên kontrolê danîne hatinûçûna rêya bejayî jî girtine.
Têkiliya bajêr ya bi derve re hatiye qutkirin.
Ev yek jî xwegihandina karwanên alikariya mirovî jî zehmet dikin.
Li dijî karwanê nyˊyê êriş: Kesek birîndar bû
Şevê din karwanekî Neteweyên Yekbuyî-NY û heyva Sor a Sûriyê li derdora çerxerêya Derayê astî gulebaranê hat.
Ew karwan karmend û sivîlan ji Siwêdayê vediguhastin Şamê.
Di encama êrişê de, keseke birîndar bû.
Karwan ji navenda NYˊyê ya li taxa Qisor a Siwêdayê bi rê ketibû.
Dema karwan gihaşt sînorê îdarî yê Derayê, erebeyên NYˊyê ji rêza karwanê vekişîn û di rêya erebeyên sivîl re çûn.
Li gorî Navenda Çavdêriya Mafên Mirovan a Sûriyeyê çapemeniya fermî ya girêdayî hikumeta veguhêz û kesayetên olî hewl da vê yekê wek “koçberkirina xiristiyanan” ji Siwêdayê nîşan bidin, tevî ku piranî kesên di karwan de karmendên navneteweyî bûn.
Li herêma Îzre ya Derayê hin erebe hatin sekinandin, çekdar ketin erebeyan, nasname kontrol kirin û gef li welatiyan wan xwarin.
Ji ber êrişa karwan ji hev belav bû, gelek rêwî neçar man ku bi wesayîtên din rêya xwe ya ber bi Lubnanê ve dewam bikin.
