Ji 13’ê Tîrmehê ve heta niha li ser bajarê Suweyda yê Sûriyê, ji aliyê rêveberiya demkî ya di destê Heyet Tahrîr el-Şam a cîhadîst de ye dorpêçeke berfireh a mirovî û aborî heye. Li ser civaka Durzî polîtîkayek birçîhiştin û qirkirinê tê meşandin. Bêdengiya civaka navneteweyî û hevkariya bi rêveberiya demkî re jî balê dikşîne.
13’ê Tirmehê hêzên hukumeta veguhez a Suriyê êrişî Suweydayê kirin.
Rêveberiya din desthilata HTŞ ya cihadîst deye, li Siwêdayê komkujî pêk anî û bihezaran kes kuştin.
Dorpêça li ser Suweydayê, bi qedexekirina ketina madeyên xurek û şewateyê didome.
Li dijî vê dorpêçê şêniyên Suweydayê û yên li derdora bajar, bi bêavî, birçîbûn û texrîbatan re têdikoşin.
Bijîjk Şerîfe Salih a ji Siwêdayê ragihand ku wan bi fedekarî ev welat avakirine lê îro di kumkujiyan re derbas dibin û dibêje;
Em tucarî ne nefikirîn ji Sûriyê veqetin.
Parçeyek axa a li Qamişloyê, bi qasî ya Suwedayê hêja ye ji bo me.
21 roj in ji ber nasnameya xwe ya neteweyî em di bin dorpêçeke giran de ne.
Cenazeyên di morgan de xirab bûn lewre sarinc naxebitin.
Pêwistiya 1500 nexweşên penceşêrê bi dermankirinê hene û rêya şamê girtiye.
Ev rê, ji bo Suweydayê rehê sereke yê jiyanê ye.
Şerîfe Salih: Gelê Suweydayê bi şerekî sistematik re rûbirû ye
Şerîfe Salih, diyar kir ku gelê Suweydayê bi şerekî sistematik re rûbirû ye…
Ji bo rastî û sûcên kirine neyên eşkere kirin nahêlin medya rastiyê derxinin.
Bebikek di hembêza dayikê de kuştin û ji dayika wê re gotin; ’em ê te nekujin, em dixwazin tu êşê bikşînî wisa bimrî.’
Şerîfe Salih daxwaza vekirina korîdorek mirovî li ser Urdunê re kir da ku derman û xurek bigihijin bajar.
Ghada El-Şaaranî: Ji ber qutbûna kehrebê cenaze di sarindan de riziyan
Endezyar Ghada El-Şaaranî jî ragihand ku ji ber êrîşên bi hawan û çekên giran, gelek kesên nexweş, birîndar û personelên tendirustiyê mirin û hovitiya heyî bi van gotinan anî ziman:
Ji ber qutkirina kehrebê sarinc nexebitîn û cenaze riziyan. Vê yekê jî xetera nexweşiyên belavbûyê bi xwe re anî.
Rewş felaket e û divê bi lezgînî ji aliyê navneteweyî û herêmî ve mudaxele were kirin.
Xelkên Siwêdayê di nava rewşek gelek xirab de ne.
Divê Suweyda bi awayê fermî weke herêma felaketê were îlankirin û ji bo gihîştina alîkariyan korîdoreke mirovî vebe.
Endezyar Ghada El-Şaaranî xwest civaka navneteweyî helwesteke tund nîşan bide, mafên bingehîn ên gel, xurek, derman û bicihbûnê bigre bin temînatê.
https://jinhaagency.com/ku/rojane/dorpeca-li-ser-suweydaye-politikayeke-ji-bo-bircihistin-u-qirkirine-ye-53964
