Êrişên Îsraîlê li Xezayê dewam dike. Di êrişên dawî de zêdetirî 6 kes hatin kuştin. 4 kesên din jî ji ber birçîbûnê mirin.
Li gel vê yekê li kabîneya şer a Îsraîlê biryara dagirkirina tevahî li Xezayê derket.
Îsraîl ragihand ku ew plan dikin ku li Xezayê rêveberiyeke nû ya “sivîl” ava bikin.
Li gorî çavkaniyên nexweşxaneyê, artêşa Îsraîlê malên sivîlan û welatiyên ku li Xezeyê ji bo wergirtina alîkariyê kom bûne hedef girt.
Dema ku leşkerên Îsraîlê êrîşî Filistîniyên ku li benda alîkariyê bûn kirin, 3 kes hatin kuştin.
Di êrîşên balafirên şer ên Îsraîlê de li taxa El-Tuffah a bakurê bajarê Xezeyê herî kêm sivîlek hat kuştin û gelek kes birîndar bûn.
Dema ku moşekek Îsraîlê li dibistaneke li taxa El-Derec a rojhilatê bajarê Xezeyê ket, 5 kes birîndar bûn.
Li navenda Xezayê, balafirên şer ên Îsraîlê Kampa Penaberan a Nuseyratê jî hedef girtin, lê ti qurbanî nehatin ragihandin.
Ajansa nûçeyan a fermî ya Filistînê WAFA ragihand ku di êrîşa hewayî ya Îsraîlê ya li ser başûrê bajarê Xan Yûnisê de 2 kes hatin kuştin.
Di 24 saetên dawî de li şerîda Xezayê 4 kesên din ji birçîbûnê mirin
Her wiha di 24 saetên dawî de li Şerîda Xezayê 4 kes ji birçîbûnê mirin.
Ji 7’ê Cotmeha 2023’yan vir ve di êrîşên Îsraîlê yên li ser Şerîda Xezayê de herî kêm 61 hezar 258 kes hatine kuştin û 152 hezar û 45 kes jî birîndar bûne.
Ji 27’ê Gulanê vir ve, dema belavkirina alîkariyên mirovî de hejmara miriyan li Xezayê gihîştiye hezar û 706 kesan û hejmara birîndaran jî gihîştiye 12 hezar û 230 kesan.
Kabîneya Îsraîlê plana operasyona ji bo dagirkirina Xezayê erê kir
Li aliyê din kabîneya Ewlehiyê ya Îsraîlê plana Serokwezîr Binyamin Netanyahu ya ji bo dagirkirina bajarê Xezeyê, erê kir.
Îsraîl ragihand ku ew plan dikin ku li Xezeyê rêveberiyeke nû ya “sivîl” ava bikin.
Di daxuyaniya ji aliyê Ofîsa Serokwezîrtiyê ve hatî dayîn de, hate diyarkirin ku li ser esasê “têkbirina Hamasê” artêşa Îsraîl ji bo kontrolkirina bajarê Xezeyê wê amadekarî bike.
Kabîneyê weke “hêmanên qedandina şer” ev made qebûl kirin: Hamas çekan deyne, hemû dîlgirtî -mirî yan jî zindî- bên vegerandin.
Her wiha Xeza ji leşkeran were paqijkirin, Îsraîl kontrola ewlehiyê bi dest bixe û ji derveyî Hamas yan jî Rêveberiya Fîlîstînê rêveberiyeke sivîl were avakirin.
Lê plan bi taybetî ji bo krîza giran a mirovî ya li Xezeyê û ewlehiya dîlgirtiyan, fikarên cidî çêdike.
Tê pêşbînîkirin ku di çarçoveya planê de nêzî mîlyonek xelkê Xezayê di nava 5 mehan de ber bi başûrê bajêr yan jî kampên navendî ve bên şandin.
Tê plankirin ku piştî vê tahliyeyê, li bajêr dorpêç û liv û tevgera bejahî destpê bike.
Netanyahu diyar kir ku armanca wan “tunekirina Hamas e” û piştre herêmê dewrî hêzên Ereb ên dijberê Hamasê bikin.
Biryar di nava Îsraîlê de jî bû sedema nîqaşan.
Di dema civîna Kabîneyê de li seranserî welêt protesto hatin lidarxistin, gelek welatî dibêjin ku jiyana dîlgirtiyan dikeve xeteriyê.
Civaka Navneteweyî jî bi bîr dixe ku krîza birçîbûnê ya li Xezeyê kûr bûye û divê alîkariya mirovî were zêdekirin.
