Piştî ji Çînê derket û li gelek welatan belav bû, virusa Korona derbasî Almanyayê jî dibe.
Berdevkê Wezareta Tenduristiyê ya Munichê duh ragihand ku zilamek ji devera Starnberg ku 30 km li başûr-rojavayê Munichê ye, bi virsusê ketiye.
Li Çînê, heya niha hejmara qurbaniyên vê virusê gihaştiye 106 kesan û 4 hezar û 515 kes pê ketine hene.
Weke tedbîr jî, wezareta perwerdeyê ya Çînî, girtina hemû dezgehên xwendinê ragihand.
Li gorî Rêxistina Tenduristiyê ya Cîhanî, virusên korona ji “komeke mezin a virusan pêk tê û weke şewbê dest pê dike, paşê vediguhere nexweşiyên girantir.
Ev virus, 12ê Kanûna 2019 an, li bajarê Wuhan yê Çînê yekem car belav bû û tê payîn jî ku virusa korona ji bazareke lawiran a li bajarê Wuhanê ku tiştên wê ji derve tên, belav bûye.
