Li herêma Riazanê ya Rûsyayê agir bi febrîqeyeke cebilxaneyan ket, piştre jî teqînê rû da.
Di encamê de herî kêm 20 kes mirin, 134 kes jî birîndar bûn.
Hate ragihandin ku şewata roja Înê bi febrîqeyê ket, di demeke kurt de bû sedema teqîneke mezin.
Teqîn li herêma Riazanê pêk hat ku bi 250 kîlometreyî li başûr-rojhilatê paytext Moskowayê ye.
Wezareta Rewşên Lezgîn diyar kir ku zêdeyî 20 kes mirin, 134 kes jî birîndar bûn.
Hate ragihandin ku ji birîndaran herî kêm 30 kes li nexweşxaneyê têne dermankirin.
Wezareta Rewşên Lezgîn a Rûsyayê diyar kir ku teqînê bandor li wargehên li derdora febrîqeyê nekiriye.
Waliyê Riazanê Pavel Malkov ragihand ku lêpirsînek hatiye destpêkirin ku tespît bike, bê pîvanên ewlekariyê hatiye binpêkirin an na.
Rayedaran gotin, teqîn ne ji ber êrîşeke bi drone yan jî fuzeyan bûye.
Li herêmê bûyerên bi heman rengî beriya niha jî rû dabûn.
Sala 2021’ê li febrîqeyeke din a heman şîrketê di teqînekê de 17 kes miribûn.
