Pisporên Neteweyên Yekbûyî bo êrişên li dijî Durziyan li zingilê xeterê da.
Pispor dibêjin ku li tenişta êrişên çekdarî li dij Durziyên Siwêdayê, rapor gihaştine ber destê wan ku kuştin, revandin, talankirin, tundî û destdirêjiya cinsî li dijî jin û keçan pêk hatiye.
Pisporên Neteweyên Yekbûyî behsa jêkirina simbêlan, gotinên nefretê li ser medya dijîla kir û got ku ew ji ber vê rewşê pir nîgeran in.
Wan rasterast eşkere kir ku komên çekdar ên Hikûmeta Demkî jî beşdarî van komkujî û binpêkirinan bûne.
Pisporên Neteweyên Yekbûyî derheqê bûyer û komujiyên li Siwêdayê de, li zingilê xeterê didin û diyar dikin ku rapor derbarê kuştin, revandin, talankirin û tundiya cinsî ya li dijî jin û keçên durzî hene.
Pisporên “NY”: çekdarên hikûmeta demkî bobelat anîn ser Durziyan
Di raporê de, eşkere dibe ku bêtirî hezar kesî hatine kuştin, ji wan 539 kes sivîlên durzî û 196 kes li meydanan, her wekî 33gund jî hatine şewtandin.
Rapor balê dibe ser belavkirina dîmenan, şantajkirina durziyan, tawanbarkirina wan bi xiyanetê û diyar dike ku bi van rêbazan kuştina durziyan tê rewakirin.
Pisporên “NY”: Pêngaveke sîstematîk li dij Duziyan heye
Lewra, hişyariyê dide ku ev pêngaveke sîstematîk a li dijî durziyan e û sedema wê jî gotinên nefretê li ser medya dijîtal e.
Her wiha, eşkere dike ku 105 jin û keçên durzî bi destê çekdarên bi ser Hikûmeta Demkî ve hatine revandin û agahî ji 80yî tune ne.
Pisporên “NY”:105 jin û keçên Durzî hatine revandin
Li tenişta vê yekê, rapor dibêje durziyên ji van kiriyaran filitî ne, ji wan xwendekarên li Şam, Hims, Heleb û Lazqiyê, li jêr zext û fişaran in.
Lê belê, di wê raporê de tê gotin ku 192 hezar kes li Siwêda, Deraa û Hims koçber bûne û vê gavê jiyan ji ber nebûna pêdiviyan, zehmet bûye.
Pisporên “NY”: Hikûmeta demkî di parastina kêmnetewyan de bibin ket
Ji ber vê çendê, pisporên Neteweyên Yekbûyî destnîşan dikin ku hevdemî nebûna lêpirsînên serbixwe û berfireh, ev nîşan dide ku binketinek di warê parastina kêmneteweyan de heye.
Pisporên “NY”: Gerek lêpirsînên serbixwe bên vekirin
Pispor tiliyên sûcdariyê nîşanî Hikûmeta Veguhêz a li Sûriyê dide û dibêje ku gerek rê li ber lêpirsînên bi lez û serbixwe veke, sûcdar werin darizandin û çarenûsa windahiyan eşkere bibe.
Li tenişta vê yekê, daxwaz dikin ku divê desthilata demkî destûrê bide alîkariyên mirovî û mafê jiyan, azadî û ewlekariyê were bidestixistin.
