Li Pakistanê ji ber lehiyê hejmara qurbaniyan zêde dibe.
Li gor agahiyan di hefteya borî de ji ber barana musonê 33 kes mirin.
Li gorî nûçeya rojnameya Dawn, Desteya Rêvebiriya Karesatên Pencabê (PDMA) ragihand ku di lehiyên di navbera 23-31’ê Tebaxê de qewimîn de 33 kes mirin û 8 kes birîndar bûn.
Hat ragihandin ku ji ber lehiyên ku bandor li nêzîkî 2 milyon kesan kirine, 506 kampên alîkariyê hatine avakirin û tîmên rizgarkirinê 760 hezar kes û 516 hezar heywan ji bo deverên ewle derxistine.
Di daxuyaniyê de hat gotin ku ji 1-3ê Îlonê ve li paytext Îslamabadê û deverên cûda yên parêzgeha Punjabê baranên mûson ên giran têne hêvîkirin û hişyarî hat dayîn ku xetera lehiyê li herêmê dikare zêde bibe.
Ji 26’ê Hezîranê ve li seranserê Pakistanê di lehiyên ku çêbûne de zêdetirî 800 kes mirine û ji destpêka Hezîranê ve jî li eyaleta Hîmaçal Pradeş a Hindistanê nêzîkî 300 kes mirine.
