Îranê piştî şerê 12 rojan duh bi fermî tayînkirina General Elî Ebdullahiyan wekî fermandarê operasyonên xwe yê nû ragihand.
Her wiha Nûnerê daîmî yê Îranê Reza Necefî, destpêkirina gera duyemîn a danûstandinên di navbera Îran û Ajansa Atomî de ragihand.
Li aliyê din berpirsa siyaseta derve ya Yekîtiya Ewropayê û wezîrê karê derve ya Îranê li Dohayê li hev civiyan.
suret bikar bîne ji kerema xwe re
Îranê piştî şerê 12 rojan duh bi fermî tayînkirina General Elî Ebdullahiyan wekî fermandarê operasyonên xwe yê nû ragihand.
Piştî zêdetirî du mehan ji agirbestê bi Îsraîlê re, Elî Xameneyî fermanek derxist û Ebdullahiyan wekî cîgirê serokê giştî û fermandarê operasyonên hevbeş tayîn kir.
Îran dest bi danûstandinan li gel ajansa enerjiya atomî dike
Her wiha Nûnerê daîmî yê Îranê li neteweyên yekbûyî Reza Necefî , destpêkirina gera duyemîn a danûstandinên di navbera Îran û Ajansa Atomî de ragihand.
Reza Necefî got şêweya nû ya hevkariya bi ajansê re wê di van danûstandinan de were diyar kirin.
Necefî teqez kir ku ev danûstandin dê di berdewamiya şêwirmendiyan de bin.
Reza Necefî diyar kir, navbera Îran û Ajansê de ji bo destnîşankirina hevkariyê di çarçoveya qanûna ku ji hêla parlamentoyê ve di şert û mercên nû de hatiye pejirandin de ye.
Hêjayî gotinê ye ku piştî şerê 12 rojan, Îranê ragihandbû ew ê hevkariya xwe ya berdewam bi Ajansa Enerjiya Atomî re bi erêkirina Konseya Ewlekariyê ve girêbide.
Rayedarên Îranî di hefteyên dawî de rexneyên tund li rêveberê giştî yê Ajansê kirin.
Lijneya Rêvebir a Ajansê, di civîna xwe ya herî dawî ya sê mehan de, Îran ji ber binpêkirina, ne hevkarî û ne çareserkirina nezelaliyan şermezar kir.
Eraqçî û berpirsa siyaseta derve ya Ewropayê li dohayê civiyan
Li aliyê din berpirsa siyaseta derve ya Yekîtiya Ewropayê û wezîrê karê derve ya Îranê li Dohayê li hev civiyan.
Mijara civînê li ser hewildanên dîtina çareseriyek dîplomatîk ji bo pirsgirêka nukleerî ya Îranê ye.
Hat diyar kirin ku Awrupa hewil dide beriya bidawîbûna dema hatiye diyar kirin ya ji bo ji nû ve sepandina dorpêçên giştî li dijî Tehranê, çareseriyek dîplomatîk peyda bike.
Rayedarekî yekitiya Ewrupayê got li Dohayê nîqaş li ser gihîştina mufetîşên Ajansa Enerjiya Atomî ya Navneteweyî bo tesîsên nukleerî yên Îranê û çarenûsa rezervên uranyuma dewlemendkirî yên welêt, hatiye nîqaş kirin.
Hêjayî gotinê ye dan û sitandinên di navbera Îran û Amerîkayê de di meha Tîrmehê de piştî êrîşa Îsraîlê li ser Îranê hatin rawestandin.
