Di êrişên dawî yên Îsraîlê de li Şerîda Xezayê 25 kes mirin, her wiha 6 kesên din ji birçîbûnê mirin.
Wek bîlançoya giştî li Xezayê herî kêm 64 hezar û 368 kes hatine kuştin û 162 hezar û 367 kes jî birîndar bûne.
Di êrişên Îsraîlê yên li heremên cuda yên Şerîda Xezayê de 25 kes hatin kuştin û gelek kes jî birîndar bûn.
Li gorî çavkaniyên nexweşxaneyê, artêşa Îsraîlê li Xezayê, her wiha li herêmên bakur, başûr û navendê mal, kon û cihên ku sivîl lê kom bûbûn kirin armanc.
Di êrîşa hewayî ya artêşa Îsraîlê de li taxa Şêx Ridwan a li bakur-rojavayê Xezayê, du mal hatin hedefkirin, 3 Filistînî jiyana xwe ji dest dan û gelek kes birîndar bûn.
Balafireke bêmirov ya artêşa Îsraîlê li nêzî Xaçerêya Tammusê konek ku mirovên koçber lê bûn hedef kir, di encamê de 3 kes jiyana xwe ji dest dan.
Di bombebarana dijwar a balafirên şer ên Îsraîlê de li ser malekê li kolana Yermûk a li bakurê navenda bajêr, 5 Filistînî jiyana xwe ji dest dan.
Di êrîşeke din de li herêma Şalihatê ya li rojavayê bajarê Xezayê, li konek ku mirovên koçber lê diman hedef hate girtin, 4 kes, di nav wan de zarokek, jiyana xwe ji dest dan.
Ji aliyê din ve, helîkoptereke Îsraîlê li taxa Rîmal a li rojavayê Xezayê avahiyekî da, di êrîşê de 2 kes hatin kuştin.
Di bombebarana din de li avahiyeke nêzî Parka Şaredariyê, gelek Filistînî birîndar bûn.
Her wiha, artêşa Îsraîlê li derdora hewza Şêx Ridwan a li bakurê Gazayê bi robotên bombekirî mal û avahî teqandin.
Êrîşên hewayî yên giran li herêmê hatin kirin, û bi balafirên bê mirov teqemenî avêtin ser banên malên sivîlan, ev yek bû sedema panîkeke mezin di nav gel de.
Di êrîşa artêşa Îsraîlê de li Kampa Penaberan a Nusayratê ya li navenda Şerîda Xezayê, li cîhek ku sivîl lê bûn, 5 kes, jiyana xwe ji dest dan, 22 kes birîndar bûn.
Li kampa Kadisiyyê ya li herêma Mewasiyê ya li başûrê Xan Yûnisê, di êrîşa Îsraîlê de li konek ku mirovên koçber lê diman, 3 kes hatin kuştin, 7 kes birîndar bûn.
Herwiha, yekîneyên topan ên Îsraîlê herêmên cuda yên bakur û başûrê Xan Yûnisê hedef kirin.
Keştiyên şer ên Îsraîlê jî topên xwe li ser peravên bajarê Refahê barandin.
Li Xezayê di 24 saetên dawî de 6 kesên din ji birçîbûnê mirin
Li gel vê yekê Wezareta Tenduristiyê ya li Xezayê daxuyaniyek nivîskî weşand û agahiyên herî dawî li ser kesên ku ji birçîbûnê mirine da.
Di daxuyaniyê de hat diyarkirin ku di 24 saetên dawî de 6 Filistîniyên din, di nav de du zarok, ji ber birçîbûn û kêmasiya xwarinê mirine.
Hejmara miriyên ji ber birçîbûnê li Şerîda Xezayê ji 7’ê Cotmeha 2023’yan vir ve gihîştiye 393 kesan, ku 140 ji wan zarok bûn.
Wek bîlançoya giştî di êrîşên Îsraîlê yên li ser Şerîda Xezayê de herî kêm 64 hezar û 368 kes hatine kuştin û 162 hezar û 367 kes jî birîndar bûne.
