Hikumeta Lubnanê plan dike ku welatiyên Suriyê ya ku ji ber rejima Baasê li welêt penaber bûne vegerînin Sûriyê.
Neteweyên Yekbûyî hefteya borî ragihandibû ku nêzîkî 300 penaberên Sûrî bi dilxwazî vegeriyane welatê xwe.
Piştî hilweşîna rejîma Baasê li Suriyê, hemwelatiyên Surî vedigerin welatê xwe.
Ji ber ku Penaberên Surî li Libnanê kêm bûne, rayedarên Lubnanî plan dikin ku di mehên pêş de kategoriya penaberiyê li ser Suriyan rake.
Cîgirê Serokwezîrê Lubnanê Tariq Mitrî diyar kir ku hejmara penaberên Sûrî yên ku vedigerin welatê xwe zêde dibe, û tê payîn ku ev meyl di çend mehên pêş de jî berdewam bike.
Tariq Metrî got:
“Em vegera penaberên Sûrî teşwîq dikin.”
Tariq Mitrî destnîşan kir, armanca wan rewşa qanûnî ya penaberan were rêkûpêkkirin da ku beşek mezin ji pirsgirêkê were çareser kirin.
Metrî teqez kir ku ew jî dixwazin “Wekî hemû welatên cîhanê, mirovên ku neqanûnî li welatê me dijîn, werin tespîtkirin.”
Cîgirê Serokwezîrê Lubnanê Tariq Mitrî li ser tedbîrên ewlehiyê ji bo kontrolkirina sînorên di navbera Libnan û Surî de jî axivî û got:
“Her du aliyan bi armanca kêmkirina derbas nebûna penaberên Surî bo Libnanê li hev kirine.”
Tariq Mitrî destnîşan kir ku Wezareta Kar dê di sala nû de dest bi pêvajoyek hişktir ji bo dayîna destûrên kar bike.
Mitrî teqezî bi wê yekê kir, dema beşek mezin ji Sûrî vegerin welatê xwe, ev pêvajo dê li gorî qanûn û bêyî tundiyê bikeve meriyetê.
Li aliyê din Komîserê Bilind ê Penaberan ê Neteweyên Yekbûyî hefteya borî ragihandibû ku nêzîkî 300 penaberên Sûrî bi dilxwazî vegeriyane welatê xwe.
Her wiha zêdetirî 114 hezar kesên din jî xwesteka xwe ya tevlîbûna bernameya vegera welatê heye.
Hat diyar kirin ku Neteweyên Yekbûyî planeke alîkariya madî ji bo penaberan dikin, da ku bikaribin bi azadî vegerin welatê xwe.
Wezareta Karûbarên Civakî ya Libnanê jî ragihand ku heta niha 162 hezar dozên têkildarî penaberên Sûrî yên ku ji Libnanê derketine hatine tomar kirin.
Wezaretê teqez kir ku aliyê Sûrî di mijara vegerê de hevkariyê dike.
