Di êrişên asmanî û topavêj ên Îsraîlê yên li ser Xezayê de, 33 Filistînî jiyana xwe ji dest dan, ku 28 ji wan li bajarê Xezayê bûn.
Li aliyê din Hemas derbarê gotinên Trump ku dibêje Hemas pêşniyara agirbestê li Xezayê red kiriye, daxuyaniyek da.
Hate destnîşankirin ku Hamas di rêya gihîştina agirbestê de tu caran nebûye asteng
Di êrişên asmanî û topavêj ên Îsraîlê yên li ser Xezayê de, 33 Filistînî jiyana xwe ji dest dan, ku 28 ji wan li bajarê Xezayê bûn.
Li gorî nûçeya ajansa nûçeyan a fermî ya Filistînê WAFA, herêmên rojhilat, başûr û bakur-rojavayê bajarê Xezayê rastî êrişên topavêj ên giran hatin, û li ezmanên bajêr gelek balafirên bê mirov hatin dîtin.
Li gorî agahiyên ji çavkaniyên nexweşxaneyê hatine wergirtin, di encama êrişa Îsraîlê ya li ser depoyên ku mirovên koçber lê diman, yên girêdayî Şaredariya Xezayê, 20 kes mirin, ku di nav wan de zarok jî hebûn, û gelek kes birîndar bûn.
Li taxa Sabra ya li başûrê bajarê Xezayê, di encama êrişa li ser maleke de, 5 kes jiyana xwe ji dest dan.
Li Kolana Sehabe ya bajêr, di encama bombebarankirina apartmanekê de, 2 jin mirin.
Li navenda bajêr, kesek di êrişa balafireke bê mirov de jiyana xwe ji dest da.
Di van êrişan de gelek Filistînî jî birîndar bûn.
Di bombebarana Kampa Penaberan a Nusayratê ya li navenda Xezayê de, 5 kes mirin.
Leşkerên Îsraîlê li Şerîa Rojava Filistîniyek kuşt
Her wiha li gorî nûçeya ajansa nûçeyan a Filistînê WAFA, ku li ser daxuyaniya Wezareta Tenduristiyê hatiye belavkirin, artêşa Îsraîlê di êrişeke li ser bajaroka Anza ya li başûrê Ceninê de, li ser niştecihên bajarokê gule reşand.
Kesekî ku di encama gulebarana leşkerên Îsraîlê de birîndar bibû, ji aliyê ekîbên Xaça Sor a Filistînê ve hate rakirin nexweşxaneyê.
Hate ragihandin ku kesî birîndar li nexweşxaneyê jiyana xwe ji dest da.
Yekîneyên leşkerî yên artêşa Îsraîlê, ji saetên sibehê ve di êrişeke li ser bajaroka Anza de, kolana sereke ya navenda bajêr ji trafîkê re girtin.
Leşkerên Îsraîlê bi hevdemî êrişî Yebud, Sanur, Umm Dar û çend bajarokên din ên li başûrê Ceninê kirin, û li malên Filistîniyan lêgerîn kirin.
Hamas îdiaya Trump ku wan pêşniyara agirbestê li Xezayê red kiriye derewand
https://t24.com.tr/haber/hamas-trump-in-gazze-de-ateskes-anlasmasini-reddettikleri-iddiasini-yalanladi,1263219
Li aliyê din Hemas derbarê gotinên Trump ku dibêje Hemas pêşniyara agirbestê li Xezayê red kiriye, daxuyaniyek da.
Di daxuyaniyê de hate destnîşankirin ku Hamas di rêya gihîştina agirbestê de tu caran nebûye asteng û wiha hat gotin:
“Hamas di vê rêyê de her cure nermbûn nîşan daye.
Rêveberiya Amerîkayê, welatên navbeynkar û hemû cîhan dizane ku yê ku hewldanên peymana agirbestê asteng dike tenê sûcdarê şer Netanyahu ye.”
Di daxuyaniyê de hate bibîrxistin ku Netanyahu di meha Çileyê de peymana agirbestê ya demkî binpê kiriye û pêşniyara ku ji aliyê Nûnerê Taybet ê Trump yê Rojhilata Navîn Steve Witkoff ve hatibû pêşkêşkirin û ji aliyê Hamasê ve hatibû qebûlkirin jî paşguh kiriye.
Her wiha hate gotin ku Netanyahu cihê civîna heyetê ya Hamasê ku li Qatarê pêşniyara dawî ya Trump nîqaş dikir bombebaran kiriye.
Trump, di axaftina xwe de li 80. Civata Giştî ya Neteweyên Yekbûyî li New Yorkê, anîbû ziman ku ew ji bo gihîştina agirbestê li Xezayê dixebitîne lê Hamas ev peyman qebûl nekiriye.
