Endamê Konseya Rêveber a KCK’ê Mûstafa Karasû behsa pêvajoya Aştî û Civaka Demokratîk kir.
Mûstafa Karasû anî ziman ku meseleya hevdîtina bi Rêber Apo re pîvana nêzîkatiya li pêvajoyê ye û wiha bi lêv kir: ”Rêber Apo pîvan e, divê azad bibe, qanûna ku Rêber Apo venehewîne, bê wate ye”.
Endamê Konseya Rêveber a KCK’ê Mûstafa Karasû derbarê pêvajoya heyî de ji Medya Haber TV re axivî.
Karasû yek ji damezrînerên PKK’ê Riza Altûn di salv
egera 6’emîn û Mûsa Anter jî di salvegera 33’emîn de bi bîr anî û got:
Heval Riza Tevgera Azadiyê, tevgear Apoyî, tevgera PKK’ê bi xwe bû û bîranîna wî ji bo me girîne.
Mûstafa Karasû: Heta niha pêvajoya ku rêber apo de destpêkirin bi pêş ve naçe’
Mûstafa Karasû da zanîn ku hevdîtina parêzeran a bi rêber Apo re, divê weke pêvajoyekê yan jî biryareke siyasî neyê dîtin û got:
Tê gotin, ‘Em ê pirsgirêka Kurd çareser bikin, em ê pirsgirêka tundiyê ya bi dehan salan çareser bikin’, lê belê Rêber Apo ku di esasê vê têkoşînê de ye hîn tecrîdkirî ye.
Rêber Apo nêzîkatiyeke cihê baweriyê nîşan dide, dixwaze pêvajoyê bi pêş ve bibe, lê belê nêzîkatiya desthilatdariya AKP’ê ya ku ne bi heman rengî ye, bi rastî jî ne ya qebûlkirinê ye.
Mûstafa Karasû: Ji bo Rêber Apo divê çalakî hîn zêde bibin
Karasû diyar kir ku ji bo rakirina tecrîda li dijî Rêbertî û pêkhatina azadiya wî kampanya ‘Azadî ji Rêbertî’ re tê jmeşandin û wiha bi lêv kir:
Bêguman di vê salvegerê de gelê me wê li her cihî piştgiriyê bide vê kampanyayê, ji bo xurtkirina kampanyayê çalakiyan lidar bixe.
Di 10’ê Cotmeha îsal de di serî de li Ewropayê wê li gelek qadan çalakî bêne lidarxistin ku piştgiriyê bide pêngava Azadî ji Rêbertî re.
Divê tevlîbûneke xurt li van çalakiyan bibe.
Mûstafa Karasû: Gotinên Bahçelî li naverastê ma gavek jî nehat avêtin
Her wiha Karasû destnîşan kir ku Bêguman di mijara pirsgirêkên din ên li Tirkiyeyê jî rewşên welê hene ku dibin sedema fikarên cidî û dibêje:
Tayînkirina qeyûman li şaredariyên CHP’ê, girtina wan ew tişt in ku pêvajoyê dixin ber lêpirsînê.
Di dawiya salekê de divê ev yek bê gotin: Me gavên girîng avêtin.
Nêrînên Rêber Apo li nava raya giştî belav bû.
Di vê pêvajoyê de gotinên Devlet Bahçelî diviyabû pêk bihata. Lê belê ev pêk nehatin.
Di dawiya salekê de me dixwest pêşketinên hîn girîng bibûya.
Mûstafa Karasû: Divê meclîs ji niha û pê ve qanûnên demokratîkbûnê amade bike
Meclîs saziyeke girîng e. Dikare pirsgirêkeke ewçend mezin, pirsgirêka sed salî çareser bike.
Bi tevlîbûna meclîsê re ev pirsgirêk wê çareser bibe. Lewma Rêbertî di sala 2012’an jî di salên 2013, 2014’an de jî timî digot, ‘Bila meclîs bikeve dewrê”.
Li Tirkiyeyê niha atmosfereke demokratîk a rasteqîn nîne.
Lê belê em dixwazin bi vê pêvajoyê re demokratîkbûn pêk were. Bêguman meclîs wê bikeve dewrê.
Mûstafa Karasû: Di sala duyemîn a pêvajoyê divê nêzîkatiyeke samîmî li muxatab bê kirin
Mûstafa Karasû di axavtina xwe de wiha anî ziman:
Di sala duyemîn de eger em ê derbasî pêvajoyeke nû bibin, di sala duyemîn de eger çareseriya demokratîk a pirsgirêka Kurd û demokratîkbûna Tirkiyeyê wê bi lez pêk were,
Hingî divê nêzîkatiyeke samîmî li muxatabê vê meseleyê bê kirin.
Qanûneke ku Rêber Apo di nav de cih negire, nekeve ber, bê wate ye.
