Li Vîetnamê bîlançoya bagera Bualoti ya ku roja yekşemê gihişt bejahiyê, giran bû.
Wezareta Jîngehê ragihand ku windahiya canî bû 51 kes û 14 kes jî hîna winda ne.
Bagera ku di saetê de gihişt 130 km lezê, nêzî 12 saetan bi bandor bû û li seranserî welêt bû sedemê hilweşîneke mezin.
Di serî de Hanoi, li gelek herêman baranên bi tund bûn sedemê lehî û hezazê, zêdeyî 200 hezar mal, binesaziyên civakî û araziyên çandiniyê texrîb bûn.
Tê texmînkirin ku dibe zirar bigihije 600 milyon dolarê.
Bi taybetî li herêmên çiyayên ên li bakur, ji ber hezazê gelek kesan jiyana xwe ji dest dan.
Ev rewş xwe gihandina herêmên turîstîk ên mîna Sapa û Mu Cang Chai jî asteng kir.
Rayedar diyar dikin ku av vekişiyan, lê xeteriyeke nû dibe çêbibe.
Di rewşa heyî de bagera Matmo ya nêzî bakurê Fîlîpînan dibe, wê hefteya pêşiya me bigihije bakurê Vîetnamê.
Eger ev pêk were, Matmo dê îsal bibe bagera tropikal a 11’emîn a bandor li Vîetnamê kirî.
Zanyar destnîşan dikin ku guhertina avhewayê bûyerên hewayê yên bi vî rengî, hîn zêdetir û hilweşîner dike.
