Li Iraqê, ku ev 4 mehin xwepêşandanên li dijî hikûmetê dewam dikin. Di xwepêşandanên îro de jî xwepêşander li dijî Îran û erkdarkirina Mihemed Elawî ji bo erkê serokwezîrtiyê hêrsa xwe nîşan dan. Komeseriya Mafên Mirovan a Iraqê jî ragihand ku hejmara kesên ku heya niha di xwepêşandanan de haitne kuştin gihiştiye 543’an.
Ev çar meh in xwepêşandanên li Iraqê li dar in.
Hatibû payîn ku piştî erkdarkirina serokwezîrê nû, Mihemed Elawî, wê xwepêşandan rawestin, lê ev tişt pêk nehat.
Îro, li navenda xwepêşandanan Bexdayê, bi sedan xwepêşander li qada Tehrîr hatin cem hev û erkdarkirina Mihemed Elawî şermezar kir.
Li vir hêzên ewlehiyê destwerdana xwepêşandanê kir û di encama pevçûnên navbera hêzên ewlehî û xwepêşanderan de hin xwepêşandêr birîndar bûn.
Li Kerbela jî xwepêşandan hatin lidarxistin û êrîşa ku ji aliyê alîgirên El-Sedir ve li dijî xwepêşandêrê Necef û Kerbelayê, hat şermezarkirin.
Li aliyekî din Lêvegerê Olî yê Şîa Elî Sîstanî kuştina xwepêşandêran li Necefê şermezar kir û banga parastina mafê wan kir.
Li Parêzgeha Zîqar jî xwendekaran xwepêşandan lidar xistin.
Di xwepêşandanên li vir de jî, Îran û erkdarkirina Mihemed Elawî hat şermezarkirin û hat gotin ku Elawî li gorî daxwaza Îranê hatiye erkdarkirin.
Li Necef û Kerbela ku beriya du rojan li dijî xwepêşandêran tûndî pêk hat û 8 xwepêşandêr hatin kuştin û bi dehan kes birîndar bûn, îro dîsa xwepêşandêr daketin qadan.
Her wiha li Dîwaniye, Rimêse, Semawa û Besra jî xwepêşandan hebûn.
Li aliyekî din Wezareta Iraqê bi daxuyaniyekê ragihand ku, hêzên ewlehiyê ji bo parastina xwepêşandêran bi erka xwe radibe.
Wezaretê idîa kir ku polîsên Iraqê li dijî xwepêşandêran tundiyê bikar nayne.
Wezareta Iraqê bang li xwepêşandêrên Iraqê kir ku xwe ragirin û berjewendiyên taybet û giştî biparêzin.
Her wiha Komeseriya Mafên Mirovan a Iraqê jî hejmara kesên ku di xwepêşandanên 4 mehan de hatine kuştin, eşkere kir.
Li gorî komeseriyê, hejmara kesên ku heya niha haitne kuştin gihiştiye 543’an.
