Endama Koordînasyona Kongra Star Hêvî Silêman doh ji ber nexweşiya penceşêr li bajarê Qamişlo koça dawî kir.
Hêvî Silêman têkoşîneke 30 sal zêdetir a bênavber da meşandin.
Ew jineke Elewî ya wêrek, Şoreşger bû her tim dixwest ku jinên Elewî li hemberê dijminê xwe, xwe rêxistin bikin, têbikoşin.
Hemû xwesteka wê têkoşîna wê ji bo Sûriyek demokratîk ku jin têde bi xwesertîû azadiya xweve jiyan bikin bû.
Jinên Kurd her dem bi têkoşîn û berxwedana xwe mohra xwe li dîrokê xistine.
Di her destan û serhildanên kurdan de jin bûne pêşengên berxwedan û serhildanên ji bo azadiyê.
Di şoreşa Rojavayê Kurdistanê de jî bi deh hezaran jinan di nava refên YPJ’ê de û di qadên siyasî û civakî de cih girtin, bûn pêşengên şoreşê.
Bi têkoşîna wan, şoreşa Rojava bû şoreşa jinê û jin li Bakur Rojhilatê Sûriyeyê bûn hêza sereke û di civakê de gava yekem ya guherîna fikrî dan destpêkirin.
Yek ji wan jinan jî jina Têkoşer Hêvî Silêman bû.
Jinên mîna Hêvî Silêman bûn çavkaniya azadî û serkeftinê.
Jina têkoşer, berxwedêr û hezkiriya welatekî azad Hêvî Silêman ji bajarê Mabeta yê Efrîna dagirkirî ye.
Hêvî dayika 7 zarokan e.
Ew bi welatparêzî û dîroka xwe ya bi têkoşîn û berxwedanê dagirtî, di nava tevahiya rojavayê Kurdistanê-Bakur û Rojhilatê Sûriyê de, navdar e.
Hêvî Silêman bêyî westîn û navber xebatên azadiya jinê dida meşandin
Hêvî ji mamosteyên destpêkê ku perwerde bi zimanê kurdî li Helebê di 2010 -2011an de dida û endama damezrîner a SZKê bû.
Her wiha ji damezrînerên Meclisa Jinan a Sûriyê ye û herî dawî endama Koordînasyona Kogra Star bû.
Li kêleka xebatên xwe yên di saziyan de Hêvî Silêman di salên dirêj de cihê xwe di nava têkoşîna ji bo gelê kurd û jinan, girtibû. Nexasim, di berxwedana Şêxmeqsûd û Efrînê de roleke pêşengtiyê lîst.
Di nava rêwîtiya jiyana xwe de Rêber Apo jî dîtiye
Hêvî Silêman tenê li dijî desthiladarî û bîrdoziya mêr-dewletê şerê jiyanê dida meşandin, di heman demê de li dijî nexweşiyên biyolojîk jî di nava têkoşînê de bû.
Gelek kes bi nexweşiya pençeşêrê dikevin hêviyên xwe ji jiyanê qut dikin û xwe teslîmê pençên mirinê dikin.
Lê belê Heval Hêvî di her kêliya jiyana xwe de li dijî nexweşiya xwe ya pençeşêrê şerê jiyanê dida meşandin.
Bêyî westîn û navber xebatên azadiya jinê dida meşandin.
Endama Koordînasyona Kongra Star a Efrîn-Şehba Hêvî Silêman doh ji ber nexweşiya penceşêr li bajarê Qamişloyê yê kantona Cizîrê ya Herêma Bakur û Rojhilatê Sûriyê koça dawî kir.
