Serokê Amerîkayê Donald Trump têkîldarî pêşketinên di navbera Rûsya û Ukraynayê de ji rojnamevanan re nirxandin kir.
Trump dibêje ew dixwaze şer bi dawî bibe,diyar kir ku di navbera her du welatan de pêşketin hene lê pêvajoyek tevlîheve, ji bo vê bi lez naçe.
Trump got:
“Ez nizanim Zelenskî wê bê an na, lê ez difikirim ku pêşî divê em peymanekê bikin. Em dest bi danûstandinên baş bi Rûsya re kirin. Ukrayna baş diçe.
Ez difikirim ku ew ji vê rewşê pir kêfxweş in.”
Trump bal kişand li ser rexneyên ku planê aştî yê 28 bendan zêdetir ji bo Rûsan feyde ye û got:
“Ew tenê nexşeyek bû, ne planek bû. Konsepsiyonek bû. Ji wir wan her bendek ji 28 bendan girtin û paşê ew 22 bendan kirin.
Gelek ji van bi awayekî pir erênî çareser bûn.
Orban: YE dixwaze şerê Ukraynayê dewam bike
Her wiha serokwezîrê Macaristanê Orban,li ser civîna taybet a rêveberên Yekîtiya Ewropayê yên li ser mijara Ukrayna axivî.
Vîktor Orban îdda kir ku welatên Yekîtiya Ewropayê domandina şerê Ukrayna dixwazin.
Orban, ku got ku ew planê pêşniyara aştî ya 28 bendan a ji aliyê rêvebiriya Donald Trump ve hatî amadekirin, bi rêveberên Yekîtiya Ewropayê re gotûbûj kirine û got:
“Zelal e ku Yekîtiya Ewropayê bêyî ku tu fikreke li ser çawa mesrefên vê yekê dabeş bike, dixwaze şerê li Ukraynayê bidomîne.”
Macron: Plana aştî ya Trump a Ukrayna divê baş bibe
Li gel vê yekê serokomarê Fransayê Emmanuel Macron di roportaja xwe ya ji bo Radyoya RTL de got ku plana aştî ya ji bo Ukrayna ya Donald Trump divê ji bo ku ji aliyê Kiev û Ewropayê ve qebûl bibe, baş bibe.
Macron dibêje Ukrayniyan dikarin biryar bidin ku ew amade ne axa xwe bihêlin an na, got:
“Di rewşa aştiyê ya bi Rûsya re, xeta yekem a parastina Ukrayna dê nûjenkirina artêşa wê be û di vê mijarê de tu sînordariyek tune ye.
Macron, bal kişand ku fonên Rûsyayê yên hatine danîn li Ewropayê ne û biryara li ser ka çawa wan bi kar bînin jî tenê mafê Ewropayê ye.
Ukrayna: Em li bendê ne ku driscoll li Kîevê li ser plana aştiyê nîqaş bike
Li aliyê din serokê Ofîsa Serokatiya Ukraynayê Andriy Yermak, diyar kir ku ew li bendê ne ku Wezîrê Artêşa Amerîkayê Daniel Driscoll vê hefteyê were Kîevê da ku li ser “plana aştiyê” nîqaş bike.
Andriy Yermak got:
“Em li bendê ne ku Wezîrê Artêşê vê hefteyê li Kîevê be û em amade ne ku ji bo temamkirina gavên pêwîst ji bo rawestandina xwînrijandinê di zûtirîn dem de bixebitin.”
Yermak, destnîşan kir ku ew li ser amadekariyên civîna di navbera Trump û Zelenskî de dixebitin, got:
“Civîna serokên dewletan dê ji hêla me ve bi baldarî û zû were amadekirin.”
