Li başûr-rojhilatê Asyayê ji ber karasetên xwezayî zêdetirî hezar û 200 kes mirin.
Hikumetê welatên ji karesatê bandor bûne rewşa awarte radigihînin, xebatên lêgerîn û rizgarkirinê dewam dikin.
Îsal, çend hefte baranên dijwar li seranserê welatê Başûr Rojhilatê Asya veguherî krîzeke mirovî ya mezin.
Nêzîkî hezar û 200 kes di karesatên ku li Endonezya, Srî Lanka, Tayland û Malezyayê qewimîn de mirin û bi mîlyonan kes jî ji cih û warên xwe bûn.
Welatên ji karasetê bandor bûne hewldanên lêgerîn û rizgarkirinê ji bo sedan kesên winda didomînin.
Ji ber ku binesaziya li herêmên bi giranî zirar dîtiye, gelek kes nikarin xwe bigihîjine wan deveran û hikûmet rewşên awarte îlan dikin da ku veguhestin, xwarin û alîkariya bijîşkî bigihîne wan deran.
Lê belê, hejmara zêde ya kesên winda fikaran çêdike ku hejmara mirinan hîn zêdetir bibe.
Hejmara qurbaniyên Endonezyayê ji 600 kesî derbas kir
Her wiha barana dijwar a li girava Sumatra ya Endonezyayê çend roj in bûye sedema lehî û erdhejê.
Rayedaran ragihandin ku hejmara qurbaniyan gihîştiye 604 kesan, 464 kes jî winda ne.
Her wiha rê hilweşiyane û xwe gîhandina hin wargehan li herêmê bi tevahî hatiye qutkirin.
Li gorî agahiyan, helîkopter alîkariya mirovî digihînin deverên ku ji bejahî ve nayên gihîştin.
Hejmara birîndaran gihîştiye 646 kesan, û bi hezaran kes jî ji bo stargehên demkî hatine veguhestin.
Ji ber rewşa xirab li Srî Lankayê rewşa awarte hat ragihandin
Heman awayî barana zêde li Srî Lankayê, gelek deveran bûye sedema lehiyê.
Heta niha, li welêt 366 kes mirine û 367 kes hîn jî winda ne.
Rayedaran ragihandin ku nêzîkî milyonek kes ji karesatê bandor bûne.
Her wiha hate teqez kirin ku tîmên lêgerîn û rizgarkirinê ji bo gihîştina gelek deverên ku xetereya lehiyê heye, zehmetiyan dikişînin.
Di dema operasyonên lêgerîn û rizgarkirinê yên berdewam de, helîkoptereke Hêza Hewayî ya Srî Lankayê ket xwarê.
Pîlot mir û çar personel jî birîndar bûn.
Serokkomarê Srî Lankayê Anura Kumara Dissanayake ji ber zirara berfireh a ji ber barana zêde “rewşa awarte” li seranserê welêt ragihand.
Dissanayake ferman da ku zêdetirî 20 hezar personelên leşkerî bişîne qadê da ku piştgiriyê bidin hewldanên lêgerîn û rizgarkirinê.
Hikumeta Tayland dê tazmînatê bide qurbaniyên lehiyê
Li gel vêyekê lehiyên ku ji ber barana zêde li başûrê Taylandê çêbûn, bûn sedema mirina 170 kesan.
Zêdetirî 1.4 milyon malbat û zêdetirî 3.8 milyon kes ji ber lehiyên ku li 12 deveran çêbûn, bi awayekî neyînî bandor bûn.
Di 26’ê Mijdarê de, Serokwezîrê Taylandê ji ber lehiyê li parêzgehekî rewşa awarte ragihand.
Serokwezîr ragihand ku hikûmet dê tezmînatê bide kesên ku ji lehiyê bandor bûne û tedbîrên cûrbecûr ên alîkariyê bicîh bîne.
Li Malezyayê ji ber lehiyê nêzîkî 11 hezar kes bandor bûn
Her wiha 11 hezar kes ji ber lehiyên ku ji ber barana zêde li heft eyaletên Malezyayê çêbûn bandor bûn.
Lehiyên ku ji ber barana zêde çêbûn, li 7 eyaletên Malezyayê bandor bûn.
Rayedaran diyar kirin ku Kelantan eyaletê herî zêde zirar dîtiye, ku 8 hezer û 248 kes ji 3 hezar û 22 malbatan li navendên alîkariyê yên demkî dimînin.
