Artêşa Îsraîlê bi êrîşên hewayî û topan deverên bakur û başûrê Şerîda Xezayê hedef girt û avahî teqandin.
Li gorî şahidên bûyerê, balafirên şer ên Îsraîlê deverên rojhilatê bajarên başûr ên Refeh û Xan Yûnis bombebaran kirin.
Bajarokê bakur ê Beyt Lahiya jî di êrîşeke hewayî de bû hedef.
Gulebaranên artêşa Îsraîlê bandor li taxên Şuca’iye û Tuffah ên li rojhilatê bajêr jî kirin û dengê teqînan li deverên derdorê hat bihîstin.
Ajansa nûçeyan a Filistînê WAFA’yê ragihand ku balafirên Îsrailê li başûrê Şerîda Xezayê, li herêma El-Mewasî ya Xan Yûnisê, li konên koçberan, êrîşên hewayî pêk anîn.
Di êrişa hewayî ya Îsraîlê de li Xan Yunisê 5 kes hatin kuştin
Ajansê da zanîn ku di êrişan de bi kêmanî 5 kes hatin kuştin û bi dehan kes jî birîndar bûn.
Êrîşên hewayî yên li ser El-Mewasî bûn sedem ku çend konên koçberan bişewitin.
Li rojavayê bajarê Xan Yûnisê jî di heman demê de operasyona leşkerî hatin lidarxistin.
Dema ku wesayîtên Îsrailê li rojhilatê bajarê êrîşên hewayî yên giran pêk anîn, balafirên şer jî li ser bajar bi awayekî giran difiriyan.
Li Xezayê, dronên Îsrailê li nêzîkî xaçerêya Şucaiye ya li rojhilatê bajarê gule berdan û di nav niştecih û koçberan de tirs çêbûn.
Doh jî li taxa Zeytûn a Xezayê bi guleya Îsrailê 2 kes hatin kuştin.
Pevçûna tunelê li refahê: 4 leşkerên Îsraîlî birîndar bûn
Artêşa Îsraîlê doh ragihand ku 4 leşkerên Îsraîlî di pevçûnekê de bi çekdarên ku ji tunelekê li Refahê, li başûrê rojhilatê Xezayê derketine birîndar bûne.
Artêşê got yek ji birîndaran di rewşek giran de ye.
Di dema bûyerê de, tê gotin ku çekdaran ji hundirê tunelê gule li yekîneyeke keşfê ya ji Lîwaya Golanî reşandine.
Li gorî medyaya herêmî, herî kêm çekdarek hatiye kuştin, û lêgerîna yên din berdewam dike.
Ev pevçûn tenê çend demjimêran piştî wergirtina cenazeyê dîlekî li bakurê Xezayê ji aliyê Îsraîlê ve bi rêya Xaça Sor pêk hat.
Hejmara giştî yên miriyan gihişt 70 hezar û 117 kesan
Li gorî bîlançoya dawî ji 7’ê Cotmeha 2023’yan vir ve hejmara miriyan derket 70 hezar û 117 kesan.
Çavkaniyên tenduristiyê diyar kirin ku hejmara birîndaran nêzî 171 hezarî ye, hê jî gelek kes di bin kavilan de ne.
Çavkaniyan diyar kir ku di 48 saetên dawî de 5 mirî û 13 birîndar gihîştine nexweşxaneyên Şerîda Xezeyê.
Ji peymana agirbestê ya 11’ê Cotmehê û vir ve hejmara miriyan gihîşt 360 kesî, hejmara birîndaran jî gihîşt 922 kesî.
Peymana agirbestê û guhertina girtiyan li Xezayê
Serokê Amerîkayê Donald Trump di 9’ê Cotmehê de ragihand ku Îsraîl û Hamasê di dema danûstandinên li Misrê de qonaxa yekem a plana agirbesta Xezayê pejirandine.
Peymana ku li Misrê danûstandin pêk hatin hat îmzekirin, di 10’ê Cotmehê de bi erêkirina hikûmeta Îsraîlê ket meriyetê.
Tevî agirbesta li Xezayê, artêşa Îsraîlê carinan li ser hincetên cûda êrîşî Xezayê dike.
