Artêşa Îsraîlê, tevî agirbestê jî li bakurê Xezeyê û li başûr-rojhilatê Xan Yunisê êrîş kirin.
Yekîneyên topan ên Îsraîlê, ji sibehê zû ve, taxa Tûffah a rojhilatê bajarê Xezayê û herêmên rojhilatê Xan Yunisê bi saetan lêdan.
Şahidên bûyerê diyar kirin ku keştiyên êrîşkar ên Îsraîlê li ber deryaya Xan Yunisê gelek fîşekên deryayî avêtin, helîkopterên Îsraîlê jî bi awayekî giran li rojhilatê bajar gule barand.
NY: Di êrîşên li ÎŞerîa Rojava de hejmara birîndaran du qat zêde bûye
Di rapora Ofîsa Koordinasyona Karên Mirovî yên Neteweyên Yekbûyî ango OCHA’yê de hate ragihandin ku di sala 2025’an de hejmara brîndaran li Şerîa Rojava derketiye 733 kesan.
Ji ber tundiya nîştecihên Îsraîliyan, di pênc salên dawî de li Şerîa Rojava hejmara Filistiniyên birîndar bûne weke ji sedî 340 hatiye tomarkirin.
Li Şerîa Rojava sala 2025’an zêdetirî hezar û 600 êriş hatine tomarkirin
Her wiha li gorî agahiyan Îsraîliyan ji destpêka salê ve, bi taybetî li bajarên Ramallah, Nablus û El-Xelîlê ya Şerîa Rojava zêdetirî hezar û 600 êrîş pêk anîne.
Di rapora OCHA’yê de hat tomarkirin ku ji ber êrîşên fizîkî, avêtina keviran, xazên rondikrêj, hezar û 57 Filistînî birîndar bûne.
Hate ragihandin ku 733 Filistînî rasterast ji aliyê sivilên Îsraîliyan ve hatine armanc kirin, 324 jê di van êrîşên de ji aliyê artêşa Îsraîlê ve birîndar bûne.
“Artêşa Îsraîlê, 17 salên pêşveçûna aborî li Şerîa Rojava hilweşand”
Di raporê de, ku li ser hilweşandina aborî ya ku êrîş û lêdanên sîstematîk ên artêşa Îsraîlê li Filistînê çêdikin, hate behs kirin ku di sala 2024’an de li axa Filistînê paşketinek aborî ya herî mezin ji sala 1972’yan ve hatiye dîtin.
Hate tomar kirin ku ev sînordarkirin rasterast jiyana zêdetirî 3,3 milyon mirov têkildar dike.
Ji cotmeha 2023’yan ve, ku Îsraîlê êrîşên li Xeayê dest pê kirine, li Şerîa Rojava û Rojhilatê Qudisê, di girtin, lêdan û êrîşên li ser Filistîniyan de zêdebûn çêbûne.
El-Xîtan: Ji bo qedandina êrişa li Xezayê divê zext li Îsraîlê bê kirin
Li aliyê din berdevkê Komîserê Bilind ê Mafên Mirovan ê Neteweyên Yekbûyî Semîn El-Xîtan têkîldarî êrişên Îsraîlê li ser Xezayê nirxandin kir.
El-Xîtan daxwaza rêzgirtina li peymanên agirbestê li Xezeyê, Lubnan û hemû herêmên din kir û diyar kir ku divê hemû aliyên şer rêzê li qanûna mafên mirovan a navneteweyî bigirin û got:
“Her kesê ku xwedî bandorek be divê wê bikar bîne da ku zextê li hikûmeta Îsraîlê bike ji bo şerê li Xezayê biqedîne”
Bo nimûne, ji dema agirbesta li Xezzeyê ve, mixabin kuştina Filistîniyan berdewam kiriye.
Me dît ku Filistînî di operasyonên Îsraîlê de, bi taybetî li ser xeta ku jê re Xeta Zer tê gotin, hatine kuştin.
Me herî kêm 75 kes li ser Xeta Zer kuştine tomar kirine.”
