Şeva borî xwepêşandan li gelek bajarên Îranê berdewam kirin.
Di xwepêşandanan de dirûşmeyên dijî hikûmetê têne qîrkirin.
Polîs li xwepêşanderan gule direşînin û gelek kes bin çav kirin.
Xwepêşandanên ku piştî bilindbûna bênavber a dolar li bazara Tehranê dest pê kirin, şeva borî, li gelek bajaran belav bû.
Hêzên ewlekariyê gule li xwepêşanderan reşand û gelek kes jî binçav kirin.
Her çend xwepêşandan bi hinçeta giranî yan jî buhabûnê dest pê kiribe jî, lê di demek kurt de vegeriya xwepêşandana siyasî û dijî rejîma heyî.
Nûçeyên ku ji Tehran û bajarên din tên belav kirin diyar dibe ku xwepêşander bi dirûşmeyên “Mirin ji Xameneyî re” û “Mirin ji dîktator re” diqîrin.
Xwendekar, karker û beşên din ên civakî beşdarî xwepêşandanan dibin
Hemedan, Îzeh, Arak, Nûrabad Mamasanî, Foladşehr, Îsfahan, Kirmanşan û gelek bajarên din tevahiya şevê xwepêşandan lê berdewam kirin.
Her wiha xwendekarên Zanîngehan jî beşdarî xwepêşandanan bûn û ji ber wê jî rewş bi tevlêbûna xwendekaren re aloztir bû.
Heman demê bang hatin kirin ji bo ku “Karmendên hikûmetê, karmendên enerjî û veguhastinê, şofêrên kamyonan, hemşîre, mamoste, akademîsyen, pîşesaz, karsaz, teqawîdbûyî û kesên ku milkên xwe winda kirine, bibin yek û tevlî xwepêşandanan bibin.
Tê payîn xwepêşandan li gelek bajarên Îranê belav bibe
Şêwirmendê payebilind ê serokwezîrê berê yê Îranê Mîr Huseyîn Mûsewî, jî piştgiriya xwe ji bo xwepêşandanan nîşan da û got:
“Ev hikûmet ne kapasîteya reformê û ne jî îradeya reformê heye.
Rizgarkirina Îranê, parastina yekparçeyiya axa wê, serxwebûna wê, dûrxistina gefên derve û azadiya ji zordariyê beşdariya berfireh a gel hewce dike da ku ev sîstema zordar paşve were xistin.”
Li aliyek din komarparêzên li Îranê d
Komarparêzên li Îranê piştgiriya xwe ji bo xwepêşandanan dan
yaniyek weşandin û piştgirî dan grev û xwepêşandanên bazarvan, xwendekar, karker, mamoste, teqawîdbûyî û beşên din ên welêt, û rêya derketina ji vê krîzê jî “desthilatdarî xistina destê gel” bi nav kirin.
Daxuyanî, van xwepêşandanan wekî nîşaneya krîza kûr a aborî, neheqiya avahîsaziyê û nekarîna hikûmetê ya dabînkirina pêdiviyên jiyanê ji bo gel dibîne, û serdegirtinên ewlehiyê, gefxwarin, girtin û tepeserkirina van tevgerên aştiyane şermezar dike.
Bang li hêzên sivîl, sendîka, akademîk û siyasî hatiye kirin ku bi parastina serxwebûna tevgerên civakî û pêşîgirtina li desteserkirin, hilweşandin û tundûtûjiya wan piştgirîya xwepêşandanên ku daxwaza edaletê dikin bikin.
“Xelk depresyon û dilgiran, westiyayî û xemgîn in”
Endamê berê yê Meclisa Şêwirmendiya Îslamî, diyar kir ku di navbera hikûmet û gel de ne tenê valahiyek lê kendalek mezin heye û got:
“Me cîhan li dijî xwe rakiriye û rewş dê xirabtir bibe.
Divê em tiştek bikin da ku pergalê xilas bikin.
Xelk xemgîn in, xelk ditirs in, xelk westiyayî û xemgîn in.
Berdewamiya vê meylê berxwedana civakê ya jiyab kirinê gihandiye asta herî kêm.
Nebe ku em rojekê şiyar bibin û pir dereng be.”
