Tevî agirbestê, artêşa Îsraîlê êrîşên hewayî li ser bajarê Sidonê li başûrê Lubnanê pêk anî.
Avahiyek sê qatî ku ji aliyê balafirên şer ve hatibû hedefgirtin bi tevahî hate hilweşandin, û avahiyên derdorê jî zirar dîtin.
Artêşa Îsraîlê ragihand ku wê li Lubnanê depoyên çekan û baregehên Hizbullah û Hemasê kirine hedef.
Artêşa Îsraîlê ragihand ku wê li Lubnanê depoyên çekan û baregehên Hizbullah û Hemasê kirine hedef.
Berdevkê artêşa Îsraîlê Avichai Adraee derbarê êrişê de daxuyaniyek li ser malpera X’ê weşand.
Avicai Adraee got artêşa Îsraîlê li Lubnanê depoyên çekan û avahiyên sererd û binerd kirine hedef.
Adraee daxuyand ku Hizbullah ev dever ji bo ji nû ve avakirina hêza xwe ya leşkerî û plansaziyan bi kar danîn.
Her wiha berdevk diyar kir ku artêşê li başûrê Lubnanê jî li cihên çêkirina çekan ên Hemasê xistiye û got:
“Ev dever di hundirê heremên sivîlan de ne. Ev jî dide diyarkirin ku niştecih wekî mertalên zindî tên bikaranîn.”
Adraee îdda kir ku ji bo sivîl neyên hedefkirin artêşê tedbîr girtine û got:
“Ev rêxistin binpêkirina lihevkirinên di navbera Îsraîl û Lubnanê de ye û gefê li ewlehiya Îsraîlê dixwe.”
Îsraîlê êrîşên hewayî li ser Lubnanê da destpêkirin
Her wiha li gorî raporên medyaya herêmî ya Lubnanê, balafirên şer ên Îsraîlê avahiyek li Sidonê, li başûrê paytext Beyrûtê, bombebaran kir.
Avahiya ku di du êrîşên hewayî de bû hedef, bi tevahî hate hilweşandin.
Gelek ambulans û tîmên lêgerîn û rizgarkirinê ji bo herêmê hatin şandin.
Avahiya sê qatî, ku li qata jêrîn dikan lê bûn, bi tevahî hate hilweşandin, û avahiyên derdorê jî zirar dîtin.
Raportên destpêkê nîşan didin ku di avahiya ku ji hêla Îsraîlê ve hatiye bombebarankirin de birîndar hene.
Ajansa nûçeyan a fermî ya welêt, NNA, jî diyar kir ku artêşa Îsraîlê bi rêze êrîşên hewayî gundewarê Sidonê bombebaran kiriye.
Bîlançoya dawî yên êrişên li ser Lubnanê
Îsraîlê di Cotmeha 2023’yan de êrîşek li dijî Lubnanê da destpêkirin, ku di Îlona 2024’an de veguherî şerekî berfireh.
Di encamê de zêdetirî 4 hezar kes mirin û nêzîkî 17 hezar kes birîndar bûn.
Li gel peymana agirbestê ya di navbera Lubnan û Îsraîlê de ku di 27’ê Mijdara 2024’an de hat kirin jî, tê ragihandin ku Îsraîlê bi hezaran caran agirbest binpê kiriye.
Îsraîl hîn jî pênc girên li Lubnanê di destê xwe de digre ku piştî 8’ê Cotmeha 2023’yan hatine desteserkirin.
Her wiha li hin deverên ku bi dehsalan di destê xwe de girtiye, hebûna xwe didomîne.
Wezareta Tenduristiyê derbarê êrişan bîlançoya parve kir.
Wezaretê ragihand kudi êrîşên Îsraîlê yên li ser Lubnanê de 331 kes mirine û 945 kes jî birîndar bûne.
