Fermandarê Hêzên Ewlekariya Hundirîn (Asayîş) Mehmûd Xelîl tevî fermandarê Ewlekariya Hundirîn ê Parêzgeha Hesekê Merwan El Elî bi Şêxê Êla Şemer a Erebî Mani Himêdî El Deham û fermandarê leşkerî yê Hêzên Senadîd Bender El Deham re civiya.
Îro, Fermandarê Hêzên Ewlekariya Hundirîn (Asayîş) Mehmûd Xelîl tevî fermandarê Hêzên Ewlekariya Hundirîn serbaz Merwan El Elî serdana herêmên Til Hemîs, Til Birak û gundewarê başûrê Cizîrê kir.
Di heman demê de, gundê Til Elo yê gundewarê bajarê Girkê Legê jî hat ziyaretkirin, hevdîtin bi Şêxê Êla Şemer a Erebî Mani Himêdî El Deham El Hadî û fermandarê leşekrî yê Hêzên Senadîd Bender Himêdî El Deham El Hadî re hat kirin.
Ev serdan di çarçoveya bicihanîna bendên peymana navbera QSDˊê û hikumeta demkî de û belavkirina Hêzên Ewlekariya Hundirîn ji bo erkên xwe yên parastina ewlehî û aramiyê pêk bînin, pêk hat.
