Ji bo piştgiriya YPJ’ê Tevgera Çand û Hunerê ya Hîlala Zêrîn bi dirûşma “Jin, Jiyan, Azadî, em ê destkeftiyên şoreşa jinan biparêzin” çalakiyek li Qamişloyê li dar xist.
Di çarçoveya çalakiyên 8’ê Adarê Roja Jinan a Cîhanê de, Tevgera Çand û Hunerê ya Jinên Hîlala Zêrîn ji bo piştgiriya YPJˊê li Navenda Çand û Hunerê ya Mihemed Şêxo ya li bajarê Qamişlo çalakiyek li dar xist.
Di çalakiyê de tabloyên ku bi keziyên jinan hatine çêkirin, hatin nîşandan.
Çalakî bi beşdabûna bi dehan dest pê kir û piştî rêzgirtinê, endama Koordînasyona Hîlala Zêrîn Şirîn Reşîd axivî û got: “Yên ku di şoreşa Rojava de berxwedandaye meşandin jin in, tevî hemû zehmetiyan jî tu carî gav bi paş de neavêtin.”
Piştî axaftinê Koma Darsîn şanoyek pêşkêş kir. Piştre Koma Hîlala Zêrîn a Qamişloyê stran gotin û di dawiyê de hunermed Sûmeya derket ser dikê.
Şahî bi gerandina govendê bi dawî bû.
