Kongra Star li Lubnanê bi boneya Roja Jinan a Cîhanê daxuyaniyek weşand, tê de piştgiriya xwe bi têkoşîna jinan a ji bo azadî û wekheviyê re ragihand û banga xurtkirina beşdariya jinan a siyasî, civakî û biryardanê kir.
Kongra Star li Lubnanê bi boneya 8’ê Adarê Roja Jinan a Cîhanê daxuyaniyek nivîskî weşand û wiha got:
“Bi boneya Roja Jinan a Cîhanî 8’ê Adarê, ku dîrokeke dirêj a têkoşîna jinan li dijî neheqî, cudakarî û îstismarê temsîl dike, Kongra Star ya li Lubnan hemû jinên têkoşer ên li cîhanê, bi taybetî jinên Rojhilata Navîn silav dike.”
Di daxuyaniyê de hate gotin ku ew ramanên Rêber Abdullah Ocalan bi bîr tînin, ku Rêber Apo piştrast kir ku rizgariya civakê bi azadkirina jinan dest pê dike, avakirina civakek azad û demokratîk bêyî rola pêşeng a jinan di jiyana siyasî û civakî de nayê bidestxistin.
Di dawiyê de Kongra Star ya li Lubnan piştgiriya xwe bi têkoşîna jinan re ji bo azadî û wekheviyê ragihand û banga xurtkirina beşdariya jinê ya siyasî, civakî û biryardanê kir.
