Metirsiya cihanê vîrûsa Corona her roja derbas dibe, jimara qurbaniyên xwe zêde dike.
Li Çîna ku vîrûs lê derketî û belav bûyî, jimara qurbaniyan 3 hezar kes derbas kiriye.
Her wiha li welatên cihanê ku vîrûs dabasî wan bûne jî agahiyên mirina ji ber vîrûsê tên.
Virûsa Corona ku sînoran nas nake, hîna jî ji welatekî derbasî yê din dibe û rojane qurbaniyên nû li bîlançoya xwe zêde dike.
Li Çînê ku vîrûs jê derketî û li cihanê belav bû, di 24 saetên dawiyê de 31 kes mirin.
Bi vê re jî bîlançoeya giştî ya qurbaniyan li Çînê 3 hezar kes derbas kir.
Li welatên herêmê û cîhanê jî virûs belav dibe.
Li Iraqê piştî doh kesekî jiyana xwe ji dest da, îro agahiya mirina keseke din ji ber vîrûsê hat ragihandin.
Her wiha li Başûrê Kurdistanê jî du kesên din virûs derbasî wan bû û nêzî hezar kes li Hewlêrê di bin çavdêriya tenduristiyê de ye.
Li Îranê ku tê gotin virûs hema hema li tevahiya bajaran belav bûye, wezareta tendûristiyê ragihand ku jimara kesên virûs derbas wan bûye 3 hezar û 513 kes e û jimara miriyan jî derket 107.
Her wiha li Lubnan 1, Mexrib 2, Misir 1, Erebistana Seûdî 3, Kiwêt 2, Behrên 3, Nemsa 8, Skotlanda 3, Swisre 1, Bosna 1, Almaniya 349 û li Cezayrê jî 9 kes, îro bi virûsê ketin.
Li Fransayê du kesên din ku virûs derbasî wan bibû jiyana xwe ji dest dan û jimara giştî bû 6 kes.
Her wiha li Italiya ku welatê Ewropa yê ku herî zêde virûs lê belav bûye, jimara miriyan bû 107.
Heta niha vîrûs li nêzî 81 welatan belav bûye û nêzî 95 hezar kes virûs derbasî wan bûye.
Ji kesên ku vîrûs derbasî wan bûye derdora 3 hezar û 200 kes mirine.
