Tevî agirbestê jî şerê di navbera DYA û Îranê de dewam dike.
Her du alî hev bi destpêkirina êrişan tawanbar dikin.
Her wekî axuyaniyên li pey hev yên li ser lêdana armancên hev belav dikin.
Fermandariya Navendî ya Hêzên Amerîkayê ragihand ku wan dawiya hefteyê li Îranê hinek êriş pêk anîne.
Supaya Pasdaran a Îranê jî îro berê sibehê da zanîn ku wan li baregeheke asmanî ya Amerîkayê xistiye.
Artêşa Kuweytê diyar kir ku wan bi rêya pergalên parastina asmanî bersiv daye êrişên bi mûşek û dronan.
Amerîka û Îranê li ser deryayê li hev dan.
Li aliyekî din jî rageşî zêde dibe.
Tevî agirbestê jî her car li hinek herêman êrişên dijwar pêk tên.
Her du alî hevdu bi destpêkirina êrişan tawanbar dikin.
Îranê êrişî baregeheke Amerîkayê kir
Supaya Pasdaran a Îranê berê sibehê ragihand ku wan li baregeheke asmanî ya Amerîkayê xistiye.
Pasdaran angaşt kiriye ku ev baregeh ji bo êrişeke li ser birca ragihandinê ya li Girava Sîrîkê hatiye bikaranîn.
Girava Sîrîkê li parêzgeha Hurmizganê ya li başûrê Îranê ye.
Supaya Pasdaran: Me baregeh ji nav bir
Supaya Pasdaran destnîşan kir ku Hêzên wan ên asmanî ew baregeh hedef girtiye û “tune kiriye.”
Hat gotin ku bi awayekî serkeftî li hemû armancên wan ên diyarkirî hatiye xistin.
Hişyariya Îranê ya ji bo Amerîkayê
Supaya Pasdaran hişyarî da ku eger êrişên din werin kirin dê bersiva wan “ji aliyê mezinahî û cure ve cuda be.”
Îranê ragihand ku berpirsyariya her cure gurbûna aloziyan dê li ser milê Amerîkayê be.
Heta niha rayedarên Amerîkayê li ser van angaştên Îranê ti daxuyanî nedane.
Centcomê ragihand ku wan li Îranê xistiye
Fermandariya Navendî ya Hêzên Amerîkayê ragihand ku wan dawiya hefteyê li Îranê hinek êriş pêk anîne.
CENTCOMê destnîşan kir ku ev êriş piştî wê yekê hatine kirin ku Îranê droneke Amerîkayê xistiye xwarê û got:
Her wiha hat eşkerekirin ku di van êrişên li ser Îranê de ti leşkerên Amerîkayê nemirine.
CENTCOMê ragihand ku wan bi van êrişan metirsiyên li ser keştiyên bazirganiyê kêm kirine.
Artêşa Kuweytê: Pergalên me yên parastinê bersivê didin êrişan
Artêşa Kuweytê ragihand ku wan bi rêya pergalên parastina asmanî bersiv daye êrişên bi mûşek û dronan.
Artêşê eşkere kir ku dengê teqînên ku li welêt tên bihîstin ji ber pûçkirina êrişan a ji aliyê pergalên parastinê ve ye.
Her wiha bangî welatiyan hat kirin ku li gorî rênimayên ewlehiyê tevbigerin.
Aloziya Îran û Amerîkayê petrol biha kir
Bihayê petrolê îro ji sedî 2 zêde bû.
Ev bihabûn piştî wê yekê hat ku Îsraîlê ferman da hêzên xwe ku zêdetir bikevin nav axa Libnanê.
