Tevî peymaan navbera DYA û Îranê hatî îmzekirin jî aloziya li Tengava Hurmuzê didome.
Êrişî keştiyekê hate kirin û NY derbaskirin da rawestandin.
Peymana ku di navbera DYA û Îranê de hatiye îmzekirin wekî gavek girîng ber bi bidawîkirina şer ve tê dîtin.
Lêbelê, pêşketinên dawî yên li Tengava Hurmuzê nîşan didin ku xetereya li herêmê hîn jî bidawî nebûye.
Rêxistina Deryavanî ya Navneteweyî ku saziyek Neteweyên Yekbûyî ye, veguhestinên bêtirî 11 hezar keştiyan da rawestandin.
Ev yek piştî êrişa li ser keştiyekê pêk hat.
Her çend di êrîşê de ti qurbanî çênebûn jî, fikarên ewlehiyê ji nûve derketin holê.
Her çiqas berpirsên Amerîkî îdîa dikin ku Îran li pişt êrîşê ye jî, Tehran ragihand ku ji bo derbasbûna ewle di nav tengavê de divê keştî rêyên diyarkirî bişopînin.
Di heman demê de, Tengava Hurmuzê yek ji mijarên herî krîtîk di pêvajoya danûstandinên 60 rojî ya di navbera Amerîka û Îranê de dimîne.
Îran dixwaze ku rêkeftina derbasbûna azad a berî şer were guhertin.
Di heman demê de Washington û welatên Kendavê dibêjin ku divê gera azad û bê şert û merc di tengavê re dewam bike.
