Virûsa Corona ji ber ku bê cudahî belav dibe û her kes pê dikeve weke virûseke demokrat tê binavkirin.
Li seranserê cîhanê gelek dibistan hatin girtin, çûnûhatina balafiran hat rawestandin û jimara kesên bi virûsê mirine 5 hezar derbas kir.
Virûsa Corona ku cudahiyê naxe navbera hejar, dewlemend, jin, zarok, rayedar, serok û ti kesî, hîna jî bi bandor û bê navber belav dibe.
Virûsê di nava 24 saetên dawî de gelek giyanên din li qurbaniyên xwe zêde kir û ziyan gihand gelek aliyên jiyanê.
Li jêdera vîrûsê Çînê îro tenê 8 kes bi virûsê ketine.
Koreya Başûr jî di nava 3 hefteyên dawî de, jimrên herî kêm ên nexweşan tomar kir.
Li Îranê zêdetirî hezar kes nû bi virûsê ketin, bi mirina 85 kesên din jimara giştî ya miriyan gihişt 514 kesan.
Hat raghandin ku fermandarekî Pasdarên Îranê yê bi navê Nasir Şeibanî ku bi virûsê ketibû jiyana xwe ji dest da.
Li bajarê Hewlêrê welatiyek din jî bi vîrûsa koronayê ket.
Bivî awayî jimara kesên li Başûrê Kurdistanê bi vîrûsê ketine, gihaşt 27 kesan.
Wezareta Navxweyî ya Herêma başûrê Kurdistanê, çûnûhatina li nav parêzgehên Hewlêr û Silêmaniyê ji heta 48 saetan hat qedexe kirin.
Li Urdun jî ku yek kes bi vîrûsê ketibû hat raghandin ku rihet bûye û bi vê re welat weke welatek ji virûsê paqij hat ragandin.
Her wiha li Lubnanê 7 rewşên nû hatin tomarkirin û hat raghandin ku dê sînorê bi Sûriyê re werin girtin.
Li Sûdanê jî yekem kes mir.
Li Îtalya ku ji ber belavbûna virûsê jiyan rawestiya ye, 189 kesên din ji ber virûsê jiyana xwe ji dest dan.
Heta niha bi giştî nêzî hezar kes ji ber virûsê mirine.
Li Amerîka 41 kes ji ber virûsê mirin.
Piştî ku hat raghandin ku Wezîrê hundir ê Awustraliya bi corona ketiye, dezgehên Çapemeniyê yên Amerîkî ragihandin ku, wezîr beriya çend rojan serdana Amerîka kiriye û bi rayedarên payebilind re hevdîtin kiriye.
Di nava kesên ku hevdîtin bi wan re hatiye kirin Keça Trump Îvanka Trump jî heye.
Her wiha tê gotin serokê Brazîliya jî bi virûstê ketiye.
Li Tirkiyê jî jimara kesên bi virûsê ketine bû 2.
https://mezopotamyaajansi.com/kr/HEM-NCE/content/view/89095
Derbarê belavbûna corona de Tevgera Jinên Azad TJA’yê bi daxuyaniyekê daxwaza serbestberdana Rêber Ocalan û girtiyên din kir.
Li welatên Afrîka Ispiya û Kenya yekem rewş hatin tomarkirin.
Her wiha jimara kesên ku li seranserê cîhanê jiyana xwe ji dest dane bû 5 hezar û 80 û 138 hezar kes jî bi virûsê ketin.
LI WELATÊN CÎHANÊ HIN TEDBÎRÊN HATINE GIRTIN
Artêşa Îranê ragihand ku wê di nava 24 saetan de hemû kolanan vala bike.
Li Fransa kombûnên zêdetirî 100 kesî hatin qedexekirin.
Kiremlin ji rojnamevanên ku nîşanên corona bi wan re hene xwest ku neyên cihê navenda wê.
Misrê çûnûhatina balafiran a bi Sûdanê re rawestand.
Iraqê çûnaûhatina ji bo Qeter û Alamaniya û serdanên Olî qedexe kirin.
Îmarat çûnûhatina balafiran a bi Îtalya re rawestand.
Li Belçîka dibistan, xwaringeh û qehwexane hatin girtin.
Li Nêpal Çiyayên Hîmalaya li pêşberî geştyaran hatin girtin.
Qeter hemû sînema, şanogeh û holên pîrozbahiyan girtin.
Awsturiya çûnûhatina balafiran a bi Ispanya û Siwîsreyê re rawestand.
Mexrib çûnûhatina balafiran bi Fransa re rawestand.
Behrên Pêşbirina Formula 1 betal kir.
Li Kiwêtê hemû mizgeft hatin girtin.
Li Pakîstan sînor hatin girtin û çûnûhatina balafiran heta 15 rojan hat rawestandin.
Li Yûnanistanê hemû mûzexane hatin girtin.
