Ji ber tedbîrên têne girtin, îro dîsa ti rewş li Çînê nehatin tomarkirin, lê Çînê 39 rewşên ji derveyî welat wergirtin. Ji bo rûbirûkirina vê nexweşiya cîhanî jî, wê NY sindoqeke navdewletî çêbike.
Ev çend roj in, ji ber tedbîrên zêde, ti rewş li Çînê nayê tomarkirin, lê welatiyên ji derve tên, metirsiyê ji welêt re çêdikin.
Herî dawî, 39 rewşên ji derve hatin wergirtin û 9 kesan li Wuhanê jiyana xwe ji dest da.
Koreya Başûr rewş kêm kirine.. Li Hindistanê jî 7 mirî
Li Koreya Başûr jî, li beramberî rojên borî, jimara kesên pêketî êdî kêm dibe û herî dawî 64 kes nexweş ketine.
Li Taylendê, 122 rewşên nû hatin tomarkirin û li Filipînê 16 kes pê ketin.
Wezareta Tenduristiyê ya Hindistanê, mirina 7 kesan ragihand û jimara nexweşan jî 400 derbas kir.
Li Hindistan, Pakistan û Nepalê qedexe hat sepandin
Her wekî li New Dilhiya paytext, qedexeya giştî hat sepandin.
Pakistan û Nepal jî rêkarên hişk dan destpêkirin.
Li Almanya jimara giştî nexweşan gihaşt 22 hezar û 672 kesan û heya niha 86 mirine.
Îran: Divê Amerîka cezayan rake
Li Îrana ku gelekî ziyan ji vîrûsê dîtiye, îro serokê wê Rûhanî bang li Amerîkayê kir ku cezayên aborî ji ser wan rakin, da karibin li hember Coronayê bisekinin.
“NY” sindoqeke navdewletî ji bo Corona dide çêkirin
Gelek welatan, planên cur bi cur ji bo rûbirûbûna Coronayê dane destpêkirin.
NY jî îro heman gav avêt û ragihand ew ê sindoqeke navdewletî ji bo vê yekê bide çêkirin.
Heya niha, Corona giyanê 14 hezar û 762 kesî standiye û 342 hezar û 407 kes ji ber vîrûsê dinalin.
Li Italyayê jimara Qurbaniyan 5 hezar derbas kir
Li Ewropa jî jiyan rawestiyan ye, kolanên ku bi hezaran mirov rojane tê re derbas dibûn, niha vala ne.
Welatê ku herî zêde ziyan dît, Îtaliya ye.
Li Îtalyayê jimara qurbaniyên vîrûsê di nava mehekê de gihîşt 5 hezar û 476 kesî.
Jimara nexweşên li welêt gihîşt 60 hezar kesî.
Li Amerîkayê heta niha 35 hezar kes bi vîrûsê ketine
Jimara qurbaniyan 450 kes derbas kir.
Li Kanadayê jimara qurbaniyan 24 saetên dawî li gorî rojek beriya niha bi rêjeya 50 ji sedî zêde bû.
Li welêt 20 kes mirin û hezar û 470 kes bi vîrûsê ketin..
Li Fransayê jî 671 kesên din bi vîrûsê ketin û jimara gisti bû 16 hezar û 689 kes.
Ya qurbaniyan jî 700 kes derbas kir.
Li Afrîkayê zêdetirî 402 kes bi Vîrûsê ketine
Her wiha li Afrîka jî ku xwedî sîstemeke tenduristiyê ya pir lewaz e, heta niha jimara kesên bi vîrûsê ketine, 402 derbas kir.
Rêxistina Tenduristiyê ya Cîhanî: metirsiya mirinê li ser ciwanan jî heye
Rêxistina Tenduristiyê ya Cîhanî ragihand ku pêwîstiya welatên ku sîstemên wan ên tenduristiyê lewaz in, bi 675 milyon dolar heye ku karibin xwe ji vîrûsê biparêzin.
Yek ji tedbîrên herî zêde ku li welatên cîhanê tê girtin, mayîna li malê ye.
Ji bo wê gelek welatan pêşîgirtina li belavbûna vîrûsê, qedexeya derketinê raghandin.
Li gorî daneyên Ajansa Franc Press li 50 welatên cîhanê zêdetirî Milyarek kes, di malên xwe de ne.
Tevî ku tê gotin metirsiya herî mezin li ser kesên temen mezin e, Rêxistina Tenduristiyê ya Cîhanê hişyarî da ku metirsiya mirinê li ser ciwanan jî heye.
Jimara Qurbaniyan 15 hezar derbas kir
Het niha li tevahiya cîhanê 357 hezar û 880 kes bi vîrûsê ketine, 100 hezar û 645 kes ji nexweşiyê xilas bûne û 15 hezar û 420 kes jî mirine.
