Li Netherlands ango Holanda, rêxistinên civakî yên sivîl ên Kurdî û Tirkî, ji bo rûbirûbûna vîrûsa Coronayê maseyên krîzê ava kirin.
Maseyên krîzê li bajarên Den Haag, Amsterdam, Rotterdam, Arnhem û Zandamê hatin avakirin.
Li gelek bajarên din jî, komîteyên bi ser van maseyên krîzê ve hatin avakirin.
Maseyên krîzê ragihand, ew amade ne bi Wezareta Tenduristiyê ya Netherland û şaredariyên wê re bixebitin.
Bi rêya van maseyan re, wê civak bi rêk û pêk bê agahdarkirin.
Her wiha ji bo pêwîstiyên bingehîn ên mirovên extiyar jî, komîte hatin avakirin.
Hate ragihandin, ku ji bo civak bi rengekî baş bê agahdarkirin û tedbîr bên girtin, wê bi Komîteya Tenduristiyê ya KCDK-E re karekî koordîneyî bê kirin.
