Êrîşek bi mûşek li dijî şirketeke Petrolê ya Amerîkî pêk hat

Li parêzgeha Besra ya Başûrê Iraqê, êrîşek bi mûşekan li dijî şirketeke Petrolê ya Amerîkî pêk hat.

Çavkaniyeke ewlekariya Iraqê ragihand ku, di berbanga vê sibê de, 5 mûşekên Katyûşa li nêzî zeviyên petrolê yên li devera Bercisiye ya li Besrayê ketin.

Çavkaniyê diyar kir ku êrîşê, şirketa Halliburton a Amerîkî kir armanc û ziyanek madî gihand avahiyên wê, lê ti ziyanên canî çênebûn.

Tê zanîn di dema dawî de, Amerîka ji bo parastina hêz û şirketên xwe, dest bi bicihkirina pergala parastina asmanî Patiriot li Iraqê kiriye.

Back to top button
Close
Close