Civîn û danûstandinên têkildarî aloziya Sûrî ku ev demeke ji ber vîrûsa Coronayê rawestiyabûn, ev çend roj in dîsa ketin rojevê. Piştî serdana Îran a Şamê, gerek nû ya danûstandinên Astanyê jî hatin lidarxistin.
Li gorî ku Rûsyayê ragihand, aliyên beşdar geşedanên dawî li Sûriyê gotûbêj kirin û banga rakirina cezayên li ser hikumeta Şamê kirin. Hemwextî civîna Astanyê nûnerê NY ji bo aloziya Sûrî Geir Pedersen û wezîrê derve yê Misrê jî bi hev re axivîn.
Liv û tevgera siyasî ya girêdayî aloziya Sûrî, piştî ku ji ber vîrûsa Coronayê rawestiyabû, careke din kete rojevê.
Bi taybet piştî serdana wezîrê derve yê Îranê ya Şamê û hevîdtina li gel serokê hikumeta Şamê Beşar Esed.
Piştî binketina 14 geran, duh gerke nû ya danûstandinên Astanayê li ser asta wezîrên derve yên dewletên qaşo garantor hat lidarixstin.
Beşdarên astanayê banga rakrina cezayên li ser hikumeta Şamê kir
Wezareta derve ya Rûsyayê bi daxuyaniyekê ragihand ku aliyên beşdar (Rûsya, Îran û Tirkiyê) li ser biryara Konseya ewlekariyê ya jimar 2254 teqezî kirine.
Her wiha idîa kir ku aliyan rêzgirtina xwe ji bo yekparbûna xaka Sûrî û serweriya wê destnîşan kirine.
Ji aliyê xwe ve wezîrê derve yê dewleta Tirk Mevlut Çauşoglu jî têkildarî mijarê diyar kir ku di nav de pirosesa siyasî li Sûriyê, rewşa mirovî û geşedanên dawî yên li Idlibê û rojhilatê Firatê jî hatin gotûbêjkirin.
Rûsya: Gera bê wê li Îranê were lidarxistin
Ji bo rewşa vîrûsa Coronayê jî ,aliyên beşdar banga rakirina cezarên li ser hikumeta Şamê kirin.
Kanûna borî gera 14. a danûstandinên Astanayê hat li dar xistin û weke gelek gerên beriya xwe bê encam bû dawî bûbû.
Ji bo gereke nû jî ku tê payîn wê li Îranê bê lidarxistin, duh Rûsya da xuyakirin ku di dema pêş de wê dema wê bê diyarkirin.
Pedersen û wezîrê derve yê Misrê bi hev re axivîn
Li aliyekî din û di heman çarçoveyê de, têkildarî pirosesa siyasî li Sûriyê nûnerê NY ji bo alosiya Sûrî Geir Pedersen bi riya telefonê bi wezîrê derve yê Misrê Samih Şukrî re axivî.
Ev yek jî piştî ku Şukrî hevdîtinek li gel ”girûpa Qahîrayê” ya ”desteya danûstandinê ya Sûrî” hevdîtin pê anî, pêk hat.
Li gorî daxuyaniya wezareta derve ya Misrê, Pedersen û Şukrî geşedanên dawî li Sûriyê û şerê li dijî terorê gotûbêj kirin.
