Netewên Yekbûyî ragihand ku li Sûriyê bi giştî û li Bakur û Rojhilatê Sûrî bi taybet, pêwîstiyeke lezgîn a pêşkêşkirina alîkariyên mirov û tenduristî heye. Şêwirmenda Karûbarên Mirovî ya NY li Sûriyê Necat Rişdî teqez kir ku ji bo pêşîlêgirtina li ber vîrûsê divê xizmetguzariyek û pêdiviyên tenduristî ji bo Bakur û Rojhilatê Sûrî bên peydakirin.
Vîrûsa Corona ku li tevahiya cîhanê ti sînoran nas nake dikarî welatên herî pêşketî û mezin li ber xwe bitewîne.
Îcar welatekî mîna Sûriyê ku di nav de binesaziya tenduristî û hemû aliyên jiyanê ji ber şer hilweşiyane, wê çawa xwe ragire.
Li herêmên hikumeta Şamê heta niha di nav de desteka Rêxistina Tenduristiyê ya Cîhanî, gelek welatan desteka tenduristî û mirovî pêşkêş kirine.
Lê bêhtirî 5 milyon Sûrî li herêmê Rêveberiya Xweser bi metirsiya vîrûsê re rû bi rû hiştine.
Şêwirmenda Karûbarên Mirovî ya NY li Sûriyê Necat Rişdî bal kişande ser rewşa herêmên Bakur û Rojhilatê Sûrî û banga pêşkêşkirina alîkariyê kir.
Necat Rişdî li Cinêvê di civîneke bi riya înternêtê teqez kir ku ji bo pêşîlêgirtina ber vîrûsê divê xizmetguzariyeke û pêdiviyên tenduristî ji bo Bakur û Rojhilatê Sûrî bêne peydakirin.
NY: Li Sûriyê bêhtirî 11 milyon kes pêdiviya wan bi alîkariyê heye
Necat Rişdî îşaret bi wê yekê jî kir ku pêdiviyên mirovî li Sûriyê di asteke lawaz de ne û bêhtirî 11 milyon kes li Sûriyê hewcedarên alîkariyê ne.
Şêwirmenda Karûbarên Mirovî ya NY li Sûriyê Necat Rişdî bang li aliyên peywendîdar kir ku bêyî ferqûcudahî divê bi awayekî lezgîn desteka alîkariya mirovî û tenduristî ji bo hemû herêmên Sûriyê were pêşkêşkirin.
Li Sûriyê bi giştî 42 kes bi vîrûsa Coronayê ketine.
Heta niha ji wan 3 mirine.
Ji bilî herêmên hikumeta Şamê, ti alîkariyên tenduristî û mirovî ji aliyê rêxistinên navdewletî ve ji bo herêmê Rêveberiya Xweser nehatine pêşkêşkirin.
