Li Tirkiyê û Bakurê Kurdistanê ji ber xemsariya desthilatdariyê û negirtina tedbîrên pêwîst, bi hezaran kes bi vîrûsê ketine. Di vê rewşê de metirsiya li ser girtiyan jî her ku diçe zêde dibe. Her wiha bertekên li dijî qanûna înfazê ku hemû girtiyên siyasî rû bi rûyî mirinê hiştiye jî tûnd dibin.
Vîrûsa corona li Tirkiyê hîna jî belav dibe.
Li gorî daneyên desthilatdariyê heta niha, zêdetirî 2 hezar û 600 kesî jiyana xwe ji dest daye.
Li Amedê 135 kesên bi otobusan ji Iraqê anîn, ji bo 14 rojan xisitin bin çavdêriya tenduristiyê.
Girtiyê nexweş: Dibe ku ev hevdîtina me ya dawî be
Di rewşa belavbûna corona de metirsiya herî mezin li ser girtiyan e.
Ji Girtîgeha Tîpa T a Wanê girtiyê nexweş Ayhan Yilmaz, bi rêya telefonê bi malbata xwe re axivî û diyar kir ku dibe ev hevdîtina wan a dawî be û got:
“Şert û merc pir xerab in. Îmkanên dermankirinê pir kêm in.
Dibe ku em ji ber Covît-19 jiyana xwe ji dest bidin.”
Nûran Îmîr: AKP’ê mirovan ji mirinê re dihêle
Parlemetera HDP’ê ya Şirnexê Nûran Îmîr ji ajansa Firatê re axivî û diyarkir ku daneyên ku têne parvekirin dûrê rastiyê ye, hejmara qurbaniyên coronayê zêdeye.
Herwiha Nûran Îmîr destnîşankir ku AKP vîrûsê ji bo hesabên xwe yê siyasî bikartîne û partiyên muxalîf yên ku dixwazin ji gel re alîkar bin wan asteng dike.
FED: Dewleta Tirk li girtîgehan tedbîran nagire, êşkence û fişar zêde kirine
Federasyona Komeleyên Hiqûqî û Piştevaniyê ya Malbatên Girtî û Hikumxaran a Med Mezopotamya- MED TUHAD-FED’ê; bi daxuyaniyekê anî ziman ku desthilatdariya AKP-MHP’ê ya ku xwe misliman nîşan dide, bi awyekî nehiqûqî, bi qanûna înfazê ve girtiyên siyasî terkê mirinê kirin e.
Federasyonê banga hestiyariyê li raya giştî kir û got:
“Ev nêzîkatî û cudakarî di ti ol û baweriyan de tuneye.
Hemû çete, xespkar, sûcdarên rûreşiyê û tecawîzkar berdan.
Lê girtiyên siyasî bernedan wan bi talûke û rîska vîrûsê re rû bi rû hiştin.
Taj û meclisa jinan a HDP’ê: Jin bi êrîşkar û tecawizkaran re rû bi rû hatine hiştin
Ji ber ku AKP’ê hemû diz, kujer û tecawizkar di bin navê vê qanûnê de berdan, metirsî li jinan û tevahiya civakê zêdetir bû.
TJA û Meclîsa Jinan a HDP’ê ya Wanê derbarê qanûna înfaza de daxuyaniyek da û diyar kir ku jin bi êrîşkar û tecawizkaran re rûbirû hatin hiştin.
Hevseroka HDP’ê Pervîn Buldan: AKP’ê bi qasî Corona civakê tehdîd dike
Hevseroka HDP’ê Pervîn Bûldan jî diyar kir ku di vê pêvajoya vîrûsê de tundiya li dijî jinan zêde bûye û got:
AKP bi qasî coronayê gefê li jiyana civakî dixwe.
