Meclisa Navçeya Til Hemîsê ya girêdayî Kantona Hesekê, ji bo pêşîlêgirtina şewatan di mewsima çinînê de rêze tedbîr û biryar girtin.
Meclisa Navçeya Til Hemîsê bi koordîneya Komîteya Çandiniyê civînek ji endamên rêveber ên saziyên navçeyê, Hêzên Parastina Civakî û Buroya Têkiliyan a QSD re li dar xist.
Di civînê ji bo pêşîlêgirtina şewatan rêze tedbîr û biryar hatin girtin, ji wan:
– Komîteyên awarte ji hêla meclisa navçeyê û şaredariyên girêdayî wê dê werin avakirin.
– Rêyên sereke ji hêla Şaredariya Gel a navçeyê û şaredariyên girêdayî wê ve bên ajotin.
– Hevkariya şêniyan bi rêveberiya navçeyê re divê were xurtkirin.
– Divê teraktor û sahrîcan ji bo rewşên awarte amade bin.
– Hejmara erebeyên agirvemirandinê li navçeyê were zêdekirin.
