5 Dewletên Erebî û Ewropî: Divê Tirkiye rêzê ji tevahî dewletan re bigire

5 dewletên Erebî û Ewropî nerazîbûn nîşanî destwerdana leşkerî ya dewleta Tirk û tevgera wê ya “ne qanûnî” li Deryaya Spî dan. Berdevkê Artêşa Lîbî Mismarî jî piştgirî da vê yekê û ev yek weke rewabûna Artêşa Niştimanî dît û bi nav kir. Jixwe Erdogan jî bê bersiv nema û piştî Lîbya û Sûriyê, gef êdî li welatên Ereb tevî xwar. 

Dîsa qîrên nerazîbûnên herêmî û navdewletî di rûyê dewleta Tirk de bilind dibin..

Ji ber kirinên wê yên derqanûnî yên kêmî salekê, 5 welatên Ereb û Ewropî bi tundî êrîşî Tirkiyê kir..

Duşemê, wezîrên derve yên Misir, Îmarat, Yûnanistan, Qibirs û Fransayê der barê tevgera dewleta Tirk a li rojhilatê Deryaya Spî de civiyan.

Herpênc welatan daxuyaniyek hevbeş da û tê de tevgera Tirkiyê ya ne rewa li Qibirs û ava wê ya herêmî şermezar kir, ji ber li gorî wan ev tevger li dijî qanûnên navdewletî û yên NY ye.

Ji bo peymana deryayî ya di navbera Erdogan û Serac de jî, aliyan teqez kir ku “ev tiştekî ne rewa ye û bi qanûnên deryayî re nagunce”.

Ji vê zêdetir, herpênc welatan, keysbazkirina plankirî ya sivîlan ku ji aliyê Tirkiyê ve bi awayekî ne qanûnî tên dersînorkirin, şermezar kir.

Wezîran her wiha bang li Tirkiyê kir ku rêzê ji tevahî dewlet û mafên wan di Deryaya Spî de bigire.

Ji bilî Îmaratê, ev herçar dewletên din û her wiha Îtalya, Îsraîl, Filistîn û Urdin, endamên Foruma Gaza Rojhilatê Deryaya Spî ne.

Forum, 2019 ji bo avakirina bazareke gazê ya herêmî li Rojhilata Navîn, hate damezirandin.

Ehmed Mismarî: Em ê xewnên Erdogan li Lîbyayê bi dawî bikin

Piştî vê daxuyaniya hevpar, Berdevkê Artêşa Niştimanî ya Lîbyayê Ehmed Mismarî axivî û tam piştgirî da vê yekê.. û

got:

“Ev daxuyanî, peyameke xurt e û rewabûna Artêşa Lîbî piştrast dike.

Em dikarin bibêjin, ev belgeyeke mukurhatinê ji civaka navdewletî ye, ku divê Artêşa Lîbî şerê çete û dagirkerên Tirk bike”.

Mismarî her wiha teqez kir ku “xewnên Erdogan ên berfirehbûnê, wê li Lîbyayê bi dawî bibin”.

Piştî Lîbya, Erdogan gef li welatên Ereb jî xwar

Helbet û weke her car, dîsa dewleta Tirk bi zimanê gefê bersiv da.

Duh êvarî Erdogan gef li welatên Ereb xwar, ku ew ê qadê ji wan re nehêlin û ti kes nikare gefan li wan û abora wan bixwe.

Tê zanîn, dewleta Tirk li Rojhilatê Deryaya Spî li gazê digire, lê belê vê dawiyê derya ji bo destwerdana li Lîbyayê jî bi kar anî.

Di 29ê Çileya borî de, balafirhilgira Fransî Charles de Gaulle, keştiyeke şer a Tirkî ku maşîneyên leşkerî li beravên Terablusa Lîbyayê vala dikir, şopand.

Peymana Deryayî ya navborî jî, ji bo vê destwerdanê hatibû îmzekirin.

Back to top button
Close
Close