Amarîka bi tirsa xwe ya herî mezin re rûbirû maye. Piştî kuştina kesekî Afro-Amarîkî ji aliyê polîsan ve, li eyaleta Minnesota ewlehiye, ji cihê xwe ji şer û talanê re hiştiye. Bi yek gotinê, Amerîka dişewite. Waliyê Minnesota, rewşa awerte ragihand û bang li artêşa federal kir ku derkevin ser kar.
Bi hinceta ku pereyê sexte bikar aniye, 27’ê Gulanê George Floyd yê 46 salî ji aliyê polîsên Minnesota ya Amarîkayê ve zextek tund lê hatibû kirin.
Floydê ku zêde xwe li ber vê hovîtiyê negirt, jiyana xwe ji dest da.
Dimenên hovîtiya polîsan jî rastî bertekên zêde hat.
Piştî belavbûna van dîmenan li ser torên civakî, ev 3 rojin li welêt xwepêşandan tên lidarxistin.
Her çiqasî polîsên ku ev yek kirine ji erk hatin girtin jî lê vê yekê ne karî hêrsa xwepêşandêran kêm bike.
Xwepêşandêr, cihên polîsan dikin hedef û didin ber agir.
Piştî xwepêşandêr li bajar ketin cihek yê ewlekariyê û dan ber agir, waliyê Minnesota Tim Walz rewşa awerte ragihand.
Dema ku Polîs nikarin xwepêşandêran bilav bikin, vê carê Parêzvanên Netewî ketin tevgerê.
Rêyên ketin û derketina bajar jî ji aliyê polîsan ve hatiye girtin.
Xwepêşandêr, daxwaz dikin ku polîs bi tewana kuştinê bên dadgehkirin.
Li Minnesota xwepêşandêr li hinek herêma dest bi talaniyê kiriye
Xwepêşandan li hinek herêman veguherî dizî, talan û şewitandinê.
Metirsiya Amarîka bi serê wê tê.
Xwepêşandan li eyaletên din jî belav bûye.
Xwepêşandan li New York û Los Angeles balv bû
Di xwepêşandanên li Los Angeles de, hat gotin ku “Ger edalet nebe, aştî jî nabe”.
Navnîşanek din ya xwepêşandanan jî New York bû.
Xwepêşandanên li wir jî bi sloganên “Jiyana kesên Afro-Amarîkî girînge” hatin lidarxistin.
