Dema artêşa Tirk a dagirker û çeteyên we xwestin dagirkeriya xwe li herêmên Efrîn û Ezazê berfireh bike, rastî berxwedaniya şervanên Hêzên Rizgariyê hatin.
Hêzên Rizgariya Efrînê (HRE) têkildarî êrişên dagirkeriya dewleta tirk û çeteyên wê yên 12 û 13’ê Hezîranê li bejahiya Efrîn û Ezazê pêk aniyî daxuyaniyek nivîskî weşand.
Hêzên rizgariyê diyarkirin ku şervanên wan karîn di encama berxwedaniyek bê hempa de, êrîşa dagirkeriyê tê bibin.
Di şer de 5 çete hatine kuştin û 9 çete jî birîndar bûne.
Her wiha erebeyek hate teqandin, yek hat derbkirin û 2 motorsiklêt jî hatin teqandin.
HRE Nasnameya 3 şervanan eşekre kir
Hêzên rizgariyê ragihand ku 3 şervanên wan heta kêliya dawî li dijî dagirkeriyê şer kirine û gihiştine asta şahadetê.
Li gorî daxuyaniyê nasnameya şehîdan wiha ye.
Agir Efrîn 13’ê Hezîranê, di qonaxa duyemîn a berxwedana Serdemê de şehîd bû.
Cudî Rustem 13’ê Hezîranê, di qonaxa duyemîn a berxwedana Serdemê de şehîd bû.
Û Yilmaz Efrîn 13’ê Hezîranê, di qonaxa duyemîn a berxwedana Serdemê de şehîd bû.
Hêzên rizgariya Efrînê di dawiya daxuayniya xwede, ji malbatên şehîdan re sersaxî xwest û soza çalakiyên tolhildanê da.