Îro salvegera komkujiya 25’ê Hizîrana 2015’an li Kobanê ye. Di berbanga wê rojê de, yek ji hovanetirîn sûcên şer li Kobanê pêk hat.Çeteyên DAIŞ’ê, 233 sivîl ji şêniyên bajarê Kobanê li ser sînorê Tirkiyê û gundê Berx Botan ê başûrê bajêr şehîd xistin. Heya niha jî dewleta Tirk a dagirker ku piştvanê DAIŞ’ê ye, êrîşên xwe li dijî herêmê dewam dike.
Avakirina DAIŞ’ê di di serî de Tirkiye di sikakên kûr ên hinek dewletan de pêk hat.
Ev rastiyeke ku ji aliyê herkesî ve tê zanîn.
Dewleta Tirk, çeteyan ji deverên cuda yên ji cîhanê tîne, wan perwerde dike, bi çek dike û derbasî Sûriyê dike.
Bi vê yekê jî, hewl dide ajandeyên xwe di avakirina hêzeke siyasî û îslamî li ser erdnîgariya Sûriyê pêk bîne. Armanceke din a dewleta Tirk jî qirkirina Kurdan e.
Yek ji armanca komkujîya Kobanê jî ev e.
25’ê Hezîranê 2015
Îro salvegera 5. a komkujiya Kobanê ye.
Ne jin, ne zarok û ne jî kal û pîr ji guleyên çeteyên DAIŞ’ê filitîn.
DAIŞ’ê ev komkujî weke bersiv û tolhildana têkçûna xwe ya li Kobanê pêk anî.
Berbanga sibê saet 04’an, komeke ji 80 heya bi 100 çeteyên biyanî û Sûrî cilên YPG’ê li xwe kiribûn tevî 8 erebeyên leşkerî bi dizî ji gundên başûrê Kobanê ber bi navenda bajêr ve çûn.
Çete, dabeşî du koman bûn, ya yekê yekser ber bi bajêr ve çû, ya din jî li derdora gundê Berx Batan belav bû.
Şêniyên hin gundan ji derbasbûna karwanê leşkerî ya ber bi bajêr ve matmayî man û ji tiştê dîtine Asayîşa gundê Berx Batan agahdar kirin.
Asayîşê pê derxist ku ne şervanên YPG’ê ne, da dû çeteyan, lê rastî gulebarana çeteyan hatin.
Dema ku di wê berbangê de dengê guleyan li gund û taxên bajêr belav bû, şênî derketin û texmîn kirin ku şervanên YPG û YPJ’ê bajarokê Sirînê yê başûrê kantonê ji DAIŞ’ê rizgar kirin.
Lê nizanîn ku çeteyan bajar dorpêç kiriye, her sivîlê ji mala xwe derket gule lê hat reşandin.
Di encamê de 233 sivîlan di nav de jin û zarok jiyana xwe ji dest dan..
Li aliyê din di encama berxwedana 4 saetan ya şêniyên gundê Berx Batan de, çete neçar man ji gund vekişin.
Di encama destwerdana YPG’ê de li Kobanê bi dehan çeteyên ku komkujî pêk anîn hatin kuştin.
Beriya vê komkujiyê bi çend mehan 5 hezar çeteyên DAIŞ’ê li kolanên Kobanê hatin kuştin û têk çûn.
DAIŞ’ê jî bi piştgiriya Tirkiyê derbasî kobanê bû û ev sûcê li dijî mirovahiyê pêk anî.
Îro jî êrîşên bavê çeteyan Erdogan yên li dijî herêmê û sivîlan didomin.
Di salavegera vê komkujiyê de, dewleta Tirk a dagirker 23’ê Hezîranê 3 jinên ku mafên jinan diparastin, Endamên Kordinasyona Kongra Star Zehra Berkel, Hebûn Mela Xelîl û Emîne Weysî şehîd xist.
Berpirsê yekemîn û şirîkê vê komkujiyê Rûsya hat dîtin, ji ber ku berpirsyariya ewlehî û aramiya herêmê li gorî lihevkirinê ya artêşa Rûs e.
Hêzên Navneteweyî jî bi bêdengiya xwe derfetê didin Tirkiyê da ku êrîşên xwe li dijî herêmê bidomîne..
