Kovara Foreign Policy siyaseta Erdogan ya berfirehkirina dagirkiriyê weke planeke bê aso û metirsîdar bi nav kir.
Kovara Amerîkî diyar kir ku dewleta Tirk bi destwedana xwe di Lîbyayê hewl dide, di hilbijartinên 2023’an bi ser bikeve û tolê ji Yunanistan, Misir û Qibrisê rake.
Kovara Foreign Policy siyaseta Erdogan ya berfirehkirina dagirkiriyê weke planeke bê aso, armancên istiratejîk û metirsîdar bi nav kir.
Foreign Policy di raporeke xwe de diyar kir ku Erdogan pirsgirêk û aloziyan bi welatên derve re çêdike û destnîşan kir ku Tirkiye bi awayekî zêde destwedana leşkerî li dewletên cîran kir û siyasetek dijminatî li Rojhilatê deryaya spî dike.
Kovara Amerîka balkişand li ser siyaseta dewleta Tirk ya li Lîbayeyê û piştrast kir ku bi îmzekirina lihevkirina xêzkirina sînorên deryayî bi Hikumeta Wîfaqê re, qanûnên navneteweyî binpê kir û destwerdana xwe li Lîbayê berfireh kir.
Foreign Policy ev pirs kir, gelo Tirkiye wê çi sûdê ji destwerdana li Lîbayê bidest bixe.?
Li gorî Foreign Policy 3 berjewendiyên jeo-siyasî û armancên dewleta Tirk di şerê li Lîbayê de heye.
Ya yekemîn, Erdogan ji salan ve ye hewl dide xwe bi wêneyekî parizvanê yekemîn ê rêgez û dozên siyasî yên mezin weke mafên Filestîniyan bide nîşan dan.
Her wiha israra wê li ser çûyîna Serokê Sûriyê Beşar Esed, bi van idiyan dixwaze di hilbijartinên 2023’an bi ser bikeve.
Armanca wê ya duyemîn, destwerdana wê di Lîbyayê de weke tolhiladan ji têkiliyên baş ên di navbera Yunanistan, Misir û Qubirsê pêk tê.
Û armanca sêyemîn jî, rikberiya wê bi Misir û Imaratê re ye, tiştên wan ji hev dûr dixin di serî de dosya Ixwana ye.
Ji ber ku dewleta Tirk a dagirker ji mezintirîn ê ku piştevaniya Ixwana dike û rê li pêşiya wan vedike da ku li ser kêfa xwe li Misrê xwe tevger bikin û şîrket û dikanên bazirganiyê li Stenbol ji wan re vedike.
Bi vê yekê Ixwan, propogendayê li dijî Hikumeta Misrê li seranserî cîhanê dikin.
Lê tevî van hemû hewl danên dewleta Tirk a dagirker, her lingê wê di nav çiravê de dimîne.
