Dewleta Tirk a dagirker ji bo bihêzkirina DAIŞ’ê dixebite.. Herî dawî jî li xwe mukur hatibû ku wan jineke DAIŞ’î ya Moldovî û 4 zarokên wê ji Kampa Holê revandiye..
Ev yek jî hevkariya xurt a Tirkiyê bi DAIŞ’ê re radixe ber çavan. Pispor û lêkolînerên Amerîkî jî diyar dikin ku piştî vê yekê bi taybet, têkîliyên Tirkiye û DAIŞ’ê baş zelal dibin. Lêkolîneran anî ziman ku Tirkiyê bi revandina DAIŞ’iyan, ti rêz ji Koalisyona Navneteweyî re negirt.
Têkîliya navbera dewleta Tirk û DAIŞ’ê her diçe zelaltir tê xuyakirin.
Ev yek piştî Ajansa fermî ya dewleta Tirk Anadolu mikur hat ku Tirkiyê jineke DAIŞ’î ya Moldovayî û 4 zarokên wê ji Kampa Holê revandine, hîn şênbertir bû.
Di vê çarçoveyê de, rêvebera Navenda Navdewletî ya Lêkolînên Tundrewîyê (ICSVE) Ann Spicard anî ziman ku êdî têkîliyên DAIŞ û Tirkiyê zelal dixwyin.
Spicard destnîşan kir ku dewleta Tirk bi revandina welatiya Moldovî şaştiyeke mezin kir û rêz ji Koalîsyona Navnetewî, NATO û Dewletên Yekbûyî re negirt.
Spicard, ev kirinên Tirkiyê li dijî qanûnên navnetewî yên derbarê tunekirina terorê de bi nav kir.
Lêkolînera Amerîkî her wiha anî ziman jî ku Tirkiyê bi desteka xwe ji DAIŞ’ê re, hewl dide wê zindî bike û careke din li Sûriyê şer bike.
Ann Spicard piştrast kir ku dewleta Tirk li jêr gelek behaneyan derbasî herêmên Bakur û Rojhilatê Sûrî bû, Efrîn dagir kir û kirinên DAIŞ’ê li dijî sivîlan pêk tîne.
Navenda Navdewletî ya Lêkolînên Tundrewiyê (ICSVE) hevdîtin bi 240 endamên DAIŞ’ê re çêkiriye, di nav de serçete û li hevkariya xwe ya bi istîxbaratên dewleta Tirk mikur hatine.
Michael Robin: Ti kes ji Tirkiyê zêdetir DAIŞ’ê nas nake
Lêkolîner û berpirsê berê yê di Pentagonê de Michael Robin jî derbarê têkîliyên Tirkiyê û DAIŞ’ê de got:
“Ti kes zêdeyî istîxbarata dewleta Tirk, DAIŞ’ê nas nake.. Ev têkîliyên wan ji dema serweriya DAIŞ’ê ya li ser Mûsilê de xurt in.
Civaka navnetewî têkîliya wan dizane, lê hin diplomat qirêjiyan paşguh dikin.
