Ji bin kavilên, Beyrûtê hîna cenazeyên ku nehatine derxistin hene. Lê heta niha di teqîna li paytexê de 154 kesan jiyana xwe ji dest daye û nêzî 5 hezar kes jî birîndar bûne.
Têkildarî teqînê 16 kes hatine binçavkirin. Serokomarê Libnanê Mişel Ewn got, ewê di dema lêkolîna li ser teqîna Beyrûtê de, ihtimala êrîşeke ji derve jî rawestin.
Tevî ku 72 saet li ser teqîna li payetexta Libnan Beyrûtê re derbas bûye jî lê hîna tê texmînkirin ku di bin kavilan de kes mabin.
Li gorî bilançoya herî dawî heta niha 154 kesî jiyana xwe ji dest daye û nêzî 5 hezar kes jî birîndar bûne.
Têkildarî teqîna li Beyrûtê 16 kes hatin binçavkirin
Têkildarî teqînê 16 kes hatin binçavkirin.
Xwepêşandêrên ku ji lêpirsînê bi gumanin careke din daketin kolanan.
Di xwepêşandanan de gelek kesî cihê xwe girtin.
Li gorî nûçeya ajansa NNA ya Libnanî ku sipartiye Hakimê Mehkemeya Leşkerî Fadî Akîkî di çarçoveya lêpirsînê de, îfadeya 18 kesan hatiye girtin.
Awn: Wê li ser gumana êrîşek ji derve pêk hatibe jî were lêkolînkirin
Di demeke ku ev rewş li ser erdê heyî, serokomarê Libnanê Mişel Awn ragihand ku lêpirsîn di sê beşan de tê domandin.
Di beşa yekem de wê hatina van tememeniyan a ji bo benderê were lêkolînkirin.
Piştre wê lêpirsîn li ser wê yekê were kirin ka bûyer ji kêmaniyekê pêk hatiye yan jî qeza ye.
Di beşa sêyem de jî wê li ser egeriya êrîşeke ji derve pêk hatiye yan na were lêkolînkirin.
Mîşel Awn cara yekê got, gelo dibe êrîşek hewayî yan bûmbeyek di ezmanî de li dijî herêmê hatiye bikaranîn.
Heman gotinên Awn, balkêşe ku daxuyaniyên Serokê DYA Donald Turmp bibîrxist.
Îsraîla ku bi Lîbnanê re dinava alozi yê de ye, bi rêya Wezareta xwe ya parastinê ragihand ku ti têkliya wan bi êrîşê re tineye.
Her wiha rêveberên Banka giştî ya Libnanê jî di nav de hate ragihandin ku pereyê 7 kesan hatine cemidandin.
