Nûnerê Amerîkî yê ji bo Sûriyê James Jeffrey ragihand ku ji bo şerê DAIŞ’ê gelê herêma bakur û rojhilatê Sûriyê Rêveberiya xwe ya Xweser ava kiriye.
Jeffry êrîşên dagirkeriya dewleta tirk yên li ser herêma bakurê Sûrî ji nedîtî ve hat û got, Herêm di nava aramiyê de ye.
Nûnerê Amerîkî yê ji bo Sûriyê James Jeffrey di civîneke çapemeniyê de rewşa li Sûrî, Iraq û Derya Spî axivî.
James Jeffrey diyar kir ku Rêveberiya xweser a bakur û rojhilatê Sûrî ji aliyê gelê herêmê ve hatiye avakirin û wiha got:
Rêveberiya xweser ne Amarîkayê ava kiriye, lê ji hêla gêlê vê herêmê hatiya ava kirin. Rêveberî ji bo parstina axa xwe ji êrîşên DAIŞ’ê ku Esed dev jê berda bû hat avakirin.
Jeffrey diyar kir ku ew ji bo îradeya gelê rojhilat û bakur Sûriyê di komîteya Destûrî de teqez bikin, li hin rêyan digerin.
Nûnerê Amerîka li wê yekê jî mikur hat ku heta niha ti gavên cidî nihatiye avêtin û ew dixwazin destûr bê guhartin.
Jeffrey ku êrîşên dewleta tirk yên li ser herêmên bakurê Sûrî ji netîdtî ve hatî ev tişt anî ziman:
Bi Tirkiyê re têkiliyek me heye, pêwendiyek me xurt bi QSD’ê re jî heye. Ji bo Rûsiye û Amerîka neyên beramberî hev jî peyman hene. Rewş bi giştî aram e û em hêvî dikin ku ew jî her dewam be.
Ji bo rewşa hikumeta Sûriyê Jeffrey destnîşan kir ku ew bi rejîmê nebawar in, lê Şam dizane ku Civaka navnetewê piştgiriya hevdîtinên Siyasî dike.
Em dixwzain rejîm reftarên xwe biguhere, em naxwzin hilweşe.
Her weha da zanîn ku ew di wê bawariya de ne ji bo Şam li ser maseya danustandinan rûne wê Rusiya zextê lê bike.
