Şaneya Aloziyê ya herêma Firatê hin tedbîr girtin

Şaneya Aloziyê ya herêma Firatê ji bo pêşîlêgirtina vîrûsa coronayê hin tedbîr girtin..

Şaneya Aloziyê ya herêmê ev biryar dan:

Têketin û derketina li herêma Firatê qedexe ye, ji bilî rewşên mirovî, madeyên xwarin û alîkariyê.

Kombûn li qehwexane, gulîstan û holên şahiyan tê qedexekirin.

Xwaringeh tenê ji bo dabînkirina pêdiviyên derve dixebitin.

Nimêja li mizgeft û konên sersaxiyê qedexe ne.

Serdana nexweşxane û girtîgehan tê qedexekirin.

Xebata perwerdeyê li tevahî dibistan, dayîngeh, baxçeyên zarokan û peymangehên taybet tê derengxistin.

Divê tedbîrên xweparastinê ji lixwekirina devpoşk, lepik, bidûrketin û parastina paqijiya giştî, pêk bên.

Li gorî Şaneya aloziyê ev biryar ji dîroka derketinê û heta 28’ê Tebaxê dewam dike.

Back to top button