Amarîka xwe di nava agirê xwepêşandêran de ji hilbijartina serokatiya welat re amade dike.
Ev 93 rojin li DYA rojane çalakiyên li dijî nîjadperestiyê tên lidarxistin.
Li bajarê Portland yê eyaleta Oregon yê DYA di navbera xwepêşandêrên li dijî nîjadperestî û alîgirên Donld Trump de pevçûn derket.
Di encamê de kesekî jiyana xwe ji dest da.
Li welat rewş aloze.
Li DYA ku amadekariyên hilbijartina serokatiya welat tê kirin, aloziya ji ber dijberiya nijadeperestiyê derketî zêde bûye.
Êdî alozî vediguhere kuştin û dijberiya navxweyî ya gelên DYA.
Li bajarê Portland yê eyaleta Oregon yê DYA xwepêşandanên li dijî nîjadperestiyê di roja xwe ya 93’an de ye.
Di nava xwepêşandêr û alîgirên Donald Trump de pevçûn derket.
Nêzî 600 wesayîtên ku alîgirên Trump têde bûn û xwepêşandan rastî hev hatin.
Di vê pevçûnê de kesek ku ji singa xwe bi sê gule xwarî jiyana xwe ji dest da.
Ajansa Associated Press jî diyar kir ku heta niha ti têkliyek di navbera komên kesê hatî kuştin û her du komên hatî pêşberî hev de ne hatiye piştrastkirin.
Di dimenên ku li bajar hatine tumarkirin de, hêrs û dijberiya dinavbera aliyan de bi awayekî eşkere xuya dike.
Li Portland alozî mezin dibe
Li DYA piştî kuştina kesê Afro Amerîkî George Floyd ya 25’ê Gulanê xwepêşandanên li dijî nîjadperestiyê lî welat despê kiribû.
Herî dawî li eyaleta Oregon roja sêşemê xwepêşandêran navenda polîsan da bû ber agir.
Piştî mirina Floyd bi sê rojan xwepêşandanên ku despê kirî ev 93 rojin didome.
Li gorî rapora ku Navenda Polîsan ya Portland ku 21’ê Tebaxê weşandî de,
Heta 21’ê Tebaxê 83 xwepêşandan pêk hatin.
Di xwepêşandanên ku tundî hatîn bikaranîn de 500 kes hatin binçavkirin.
Serokê DYA Donald Trump ji ber xwepêşandanan hêzên ewlekariyê şandibû bajêr.
Kiryarên hêzên Federal jî di nava gel de bertekên zêde dabû avakirin.
Di nava rewşa heyî ya zehmet de, li DYA amadekariyên hilbijartina serokatiya welat tê kirin.
Lê tişta xuya dike, li pêşiya Trump ku di polîtîkaya xwe û biryarên xwe de astengiyan dibîne, rojên zehmet hene.
