Dewleta Tirk a dagirker û çeteyên wê li Efrîna dagirkerî girtîgehên jinan ava dikin. Li gel girtîgeha jinan a li gundê Maratê, herî dawî jî çapxaneya ‘Ronahî’ kirine, girtîgeha jinan. Desteya Jin a Herêma Efrînê jî diyar kir ku rêxistinên mirovî bi bêdengiya xwe bûne hevkarê sûcên dewleta Tirk.
Êdî dewleta Tirk a dagirker û çeteyên wê li Efrîna dagirkirî, girtîgehên jinan ava dikin.
Li gel girtîgeha jinan a li gundê Maratê, herî dawî jî çapxaneya ‘Ronahî’ kirine, girtîgeha jinan.
Desteya Jin a Herêma Efrînê, ev kirin piştrast kir û diyar kir ku hovîtiya dewleta Tirk a li dijî jinan tevahî zagon bin pê kirine..
Desteyê da zanîn heta niha bi sedan jinên revandîne, çarenûsa wan nediyar e.
Rêxistinên Mirovî bi bêdengiya xwe bûne hevkarên sûc
Her wiha Desteya Jin a Herêma Efrînê berpirsyariya çarenûsa jinên revandî yên di girtîgehên dewleta Tirk a dagirker û çeteyên wê de hilgirt ser rêxistinên navneteweyî yên hiqûqî, qanûnî û mirovî û got ” ji ber bêdengiya wan, ew hevkarên sûcên dewleta Tirk in.”
Her wiha ev bêdengî dihêle ku Efrîn bibe girtîgeh û li gel girtîgeha jinan a li gundê Maratê, herî dawî jî çapxaneya ‘Ronahî’ kirine, girtîgeha jinan.
Li Efrînê Zêdetirî 65 jin rastî destavêtinê hatine
Desteya Jin a Herêma Efrînê, sûcên li dijî jinan di nava sê salan de li Efrîna dagirkerî, belge kir û bi daxuyaniyekê eşkere kir.
Li gorî Desteyê ji 2018’an û heta niha
Zêdetirî hezar jin hatine revandin
Bêtirî 65 jin rastî destavêtinê hatine
Bêtirî 67 jin jî hatine kuştin.
Ji bilî wê jî Desteyê ragihand ku çeteyên dewleta Tirk bi darê zorê bi keçên temen biçûk re dizewicin, şantajkirin û gefa revandinê li wan dixwin.
Li gel wê jî çete li dijî jinan tevahî cureyên êşkenceya qirêj pêk tînin, piranî jinan ji ber tirs, tundî û destavêtinê ji malên xwe dernakevin.
Her wiha çete cilên reş li ser jinan ferzkirine û bi darê zorê jî wan derbasî dewreyên olî dikin.
Desteya Jin a Herêma Efrînê binpêkirinên li dijî jinan li herêmên dagirkerî, şermezar kirin û bang li civaka navdewletî kir ku êdî pêşî li van binpêkirinên li dijî mirovahiyê bigire û sucdaran ceza bike.
