Dewleta Tirk bi armanca piştgiriya Azerbeycanê bike, 150 çete ji Efrînê şandiye şerê li dijî Ermenîstanê.
Her weha dagirker hewl didin ku bi pereyan ciwanên Efrînê bixapînin û bişînin şer.
Dewleta Tirk a dagirker çeteyên xwe yên ku li deverên Sûriyê yên dagirkirî kom kiriye, piştî Lîbyayê niha jî dişîne Azerbeycanê da ku li dijî Ermenîstanê bikar bîne.
Di heman demê de leşker û alavên şer veguhêst û tetbîqata leşkerî bi Azerbeycanê re pêk anî.
Li Idlib, Efrîn û herêmên din yên dagirkirî çeteyan kom dike û perwerde dike ji bo ku li dijî Ermenîstanê şer bikin dişîne Azerbeycanê.
Her weha hewl dide ku ciwanan jî bi pereyan bixpîne û wan bişîîne Azerbeycanê.
Rêxistina mafê mirovan a Efrîn – Sûrî ragihand ku dewleta Tirk a dagirker hewl da 3 ciwanên Efrînê bi pereyan bixapîne û bişîne Azerbeycanê.
Lê ciwanan piştî rastiya dagirkeran fêhmkirin, ev yek qebûl nekirin.
Rêxistinê eşkere kir ku dewleta Tirk ji bo perwerdekirina çeteyan hin baregeh di navbera herêma Efrîn û Idilbê de ava kiriye.
Li gorî Rêxistinê, ji Efrînê tenê 150 çete ji bo Azerbeycanê hatine şandin.
Çeteyên ku diçin Azerbeycanê jî wê her mehê 4 hezar dolar mûçe bigirin.
